Бурж даври: 22 Июнь – 22 Июль
Белги жинси: Аёл.
Унсур: сув.
Сифат: Кардинал.
Қисқичбақа буржи вакиллари таъсирчан, сезгир, кучли тасаввурга эга, ҳамдард бўла оладиган, меҳрибон ва ҳиссиётларга бой, фаол, синчков ва интуитив ақл соҳиблар.
Бошқарувчи сайёра: Ой, ернинг ягона табиий йўлдоши. Ой вақти-вақти билан кучли магнит таъсир кўрсатиб, гоҳ чиқиб, гоҳ ботиб туради. Мунажжимликда у ҳиссиётлар ва интуитив хатти-ҳаракатларни бошқаради.
Бурж рамзи: Саратон ёки Қисқичбақа. Унинг ташқи томони мустаҳкам қобиқ, ички қисми эса юмшоқ гўштдан иборат. Хавф сезилиши билан у қобиғи остига яшириниб олади ва ўзини ҳавф ҳатардан йироқ ҳис қиладиган жой, сув остига шўнғийди.
Рамзий белгиси (пиктограммаси): Қисқичбақа қисқичлари тасвирланган, шунингдек, инсон кўкрагини (Қисқичбақа буржи назоратидаги тана аъзоси) ифодалайдиган пиктограммадир. Белгининг рамзий маъноси бир жуфт ярим ой билан боғланган иккита қуёш гардиши. Ой Қисқичбақанинг хотиралар ва мулкларни сақлашга мойиллигини англатади ва қуёш гардишлари эса ҳис-туйғулар ва тасаввурлар орқали ифодаланган куч ва энергияни ифодалайди.
Шиори: Мен ҳис қиламан!
Қарама қарши бурж: Тоғ эчкиси буржи.
Қисқичбақа (Саратон) - уй ва оилавий ҳаёт буржи. Қисқичбақалар маънавий яқинликка интиладилар, улар ўзларини таниш муҳитда, ўз яқинлари билан ўзларини тўлиқ бахтли ҳис қилишади. Қисқичбақа буржининг акси бўлган Тоғ эчкиси буржи вакиллари эса ижтимоий жамият қоидалари билан узвий боғланишган, уни тан олишларини ва мартабани қадрлайдилар. Тоғ эчкиси буржи остида туғилганлар ўзларининг мавқеига эътибор беришади, ташқи дунёда ҳокимиятга интилишади, ўз имкониятларини рўёбга чиқаришни хоҳлашади.
Назоратдаги тана аъзолари: Кўкрак ва ошқозон. Қисқичбақалар овқатланишни яхши кўрадилар ва кексаликда улар ортиқча вазн билан курашишга мажбур бўлишади. Улар кучли зўриқиш ва руҳий асабийликдан келиб чиқадиган овқат ҳазм қилиш тизимлари касалликларига мойил бўлишади.
Омадли кун: Душанба.
Омадли рақамлар: 3 ва 7.


Тош: Марварид. У муваффақиятсизликни ғалабага, келишмовчиликни уйғунликка айлантиради. Бундан ташқари, нуфузли одамлар ёрдамини ўзига жалб қилади.
Ранглар: Фируза ва Кумуш ранглар - сув ва ойнинг товланувчан ранглари.
Шаҳарлар: Венеция, Амстердам, Нью-Йорк.
Давлатлар: Шотландия, Голландия, Янги Зеландия
Гуллар: Исфарак ва Юмшоқ акант (Айиқ панжа, Acanthus mollis).
Дарахтлар: Серсув юмшоқ ёғочли дарахтлар.
Металл: Кумуш.
Ҳайвонлар: Қобиғи бўлган барча турдаги жонзотлар.
Хавфли вазиятлар: Қисқичбақалар уй рўзғорда бўлиб турадиган жароҳатларга мойил. Бундан ташқари, улар кўпинча ўғирлик қурбони бўлишади.

Қисқичбақанинг ички дунёси
Сиз кўринишингиздан кучли ва совуққонга ўхшайсиз. Бироқ, бу кўриниш ортида кўпинча ўзингизга ишончсизлик ва етарлича баркамол эмасдек туйғу яширин бўлади. Сизга бошқалар доимо ўз ишларини, нима қилаётганларини аниқ биладигандек туюлади, ўзингизни эса фақат ҳаёлий қасрлар қуриш билан машғулдек сезасиз. Ҳар қандай вазиятда ҳам сўз кўпроқ салбий натижаларга тайёргарлик кўриб турасиз. Сиз ўз ҳиссиётларига чуқур берилиб кетган ўта таъсирчан инсонсиз. Бирор таъсирли қўшиқ эшитсангиз кўзингиздан ёшланиши мумкин, ёки оддий бир манзара, гул, ёки айтайлик, бирор ҳид, ифор сизда бирдан ёқимсиз хотираларни уйғотиб юбориши мумкин.
Бироқ, сиз бошқаларнинг ҳиссиётларига ҳам жуда сезгирсиз. Дўстларингизнинг муаммоларига худди ўзингизникидек чуқур киришиб кетасиз. Олдингизда кимдир турган бўлса, унга ёрдам беришим шарт деб ўйлайсиз. Қисқичбақа буржи вакиллари учун уйғунлик, мувозанат жуда муҳим. Ҳар қандай низо ёки жанжал сизни жуда тез хафа қилиб қўяди. Лекин сизни иродасиз ва заиф инсон деб айтиб бўлмайди. Сиз ўз фикрингизни, эътиқодларингизни мардлик билан ҳимоя қилишга тайёрсиз, ҳақ эканлигингизни билиб қолсангиз, ҳеч қачон таслим бўлмайсиз. Сиз ўзгаришларни унча ёқтирмайсиз, мавҳумликка қучоқ очиб қарши чиқмайсиз. Бироқ бу сизга зарур бўлган нарсаларни амалга оширишга халақит бермайди.

Бошқалар Қисқичбақани қандай қабул қилишади?
Сизнинг яқин инсонларингиз сизга ҳамма бахтли бўлиши учун ҳамманинг муаммоларини эринмай ҳал қиладиган ота-она ёки васий сифатида қарашади.
Одамларга сизнинг эътиборингиз, ғамхўрлигингиз ёқади, маслаҳатларингизни қадрлашади. Фақат, нима учун, берган маслаҳатларингизга амал қилишса ҳам, улар буни сизга тан олишни исташмайди? Чунки улар сиз ҳамма нарсани ўз қўлингизга олишни, назорат қилишни хоҳлаётганингизни сезиб туришади, улар сизга қўғирчоқ бўлишни исташмайди. Шунингдек, одамлар сизнинг ўзгарувчан кайфиятингизни ҳам ёқтиришмайди. Бир қараса, меҳрибон ва ғамхўр бўлиб қоласиз, кейин эса тўсатдан норози кайфиятга тушиб, ҳаммадан айб қидира бошлайсиз. Бундай вазиятда ҳамма сиздан узоқроқ бўлишни хоҳлаб қолади.
Профессионал соҳада сизни молиявий даромад келтирадиган жойни тез англай оладиган қимматли ходим сифатида қадрлашади.

Қисқичбақа буржида туғилган машҳурлар
Александр Македонский, Луи Армстронг, Полли Берген, Ингмар Бергман, Билл Бласс, Дэвид Бринкли, Юл Бриннер, Мел Брукс, Джордж Буш, Эбигейл Ван Бьюрен, Джон Гленн, Натаниэль Готорн, Мерв Гриффин, Эрл Стэнли Гарднер, Рэнди Джексон, Дерек Джетер, Принцесса Диана, Филлис Диллер, Пьер Карден, Фрида Кало, Барбара Картленд, Франц Кафка, Джеймс Кэгни, Хелен Келлер, Роуз Кеннеди, Ван Клиберн, Жан Кокто, Билл Косби, Том Круз, Джанет Ли, Энн Лэндерс, Джина Лоллобриджида, Линдси Лохан, Сидни Люмет, Тоби Магуайр, Джордж Макговерн, Маршалл Маклюэн, Бесс Майерсон, Нельсон Мандела, Мэри Маккарти, Клиффорд Одетс, Джордж Оруэлл, Камилла Паркер-Боулз, Росс Перо, Марсель Пруст, Джильда Рэднер, Нэнси Рейган, Эрих Мария Ремарк, Дайана Ригг, Хералдо Ривера, Оскар де ла Рента, Джинджер Роджерс, Нельсон Рокфеллер, Линда Ронштадт, Жан-Жак Руссо, Карли Саймон, Нил Саймон, Франсуаза Саган, Жорж Санд, Дональд Сазерленд, Антуан де Сент-Экзюпери, Джессика Симпсон, Джимми Смитс, Барбара Стэнвик, Ринго Старр, Ирвинг Стоун, Сильвестр Сталлоне, Патрик Стюарт, Мэрил Стрип, Майк Тайсон, Твайла Тарп, Уильям Теккерей, Генри Дэвид Торо, Билли Уайлдер, Е. Б. Уайт, Эндрю Уайет, Принц Уильям, Джеймс Уистлер, Марти Фельдман, М. Ф. К. Фишер, Харрисон Форд, Боб Фосси, Стивен Фостер, Анджелика Хьюстон, Сьюзан Хэйуорд, Том Хэнкс, Эл Хершфелд, Джуди Холлидей, Лена Хорн, Эрнест Хемингуэй, Оливия де Хэвилленд, Гауэр Чемпион, Джон Ченселлор, Марк Шагал, Айзек Штерн.