Sheʼrlarim

Shoirlar nima uchun sheʼr yozishlarini bilmadimu, lekin ilhom parisi kaminani yod etib, yuragimda allanechuk cheksizlik his qilganimda bir necha satr qoralashga jazm etaman.Chunki aynan mana shu cheksizlik menga yuragim izlagan cheksiz ozodlik his tuyg‘usini hadya etadi.

Ali Al Mehr

Sheʼriyat

Sheʼrlarim haqida sheʼr

Sheʼr yozgim keladi, topilmas mavzu,
Siyqasi chiqqanga yetishmas mantiq.
O‘zimcha falsafa qilaman ammo,
Bir satri poyandoz, bir satri qiytiq.

Ali Al Mehr

Qizim yoshi o‘n beshga to‘ldi

Qizim yoshi o‘n beshga to‘ldi.
“Erkalatmang” - deydi onasi.
Qo‘g‘irchog‘i bir chetda qolib,
Sirdosh endi amma, xolasi.

Kuz yomg‘iri...

Kuz yomg‘iri...

Kuz yomg‘iri derazamni chertib yog‘ar.
Atay otar tomchilarin ko‘z yosh misol.
Derazamni chertar xuddi pinhon oshiq,
Yuzlarimni sog‘inganday izlar visol.

Begona sheʼrim

Begona sheʼrim

O‘ylasam uyaldim, borsam titradim,
Satringdan tutgani topolmadim kuch.
O‘radim, chirmadim, yashirdim ko‘zdan:
Mana endi oshkor sheʼrim, meni quch.

Kelinchak qiz

Kelin qizim, jon qizim...

Hay hay o‘lan jon o‘lan, kelin bo‘lar yor-yor,
O‘z uyidan o‘zgaga ko‘chib kelar yor-yor.
Baxti qo‘nib boshiga, quvonchdan ko‘z yoshiga,
Otasini yig‘latib uydan ketar yor-yor.
Qo‘shiqdan...

Baʼzi qizlarga...

Baʼzi qizlarga...

O‘zbegim, bo‘z ko‘ylak kiyib o‘sgansan.
Atlasing bor edi taxmonlaringda.
Bir kuni kelinlik yuzin ochgani
Oq ko‘ylak saqlarding javonlaringda.

Yolg‘iz yo‘lovchi

Yolg‘iz yo‘lovchi

Gunohini orqalagancha
Ketib borar yolg‘iz yo‘lovchi.
Qaramaydi na yon, na ortga,
Na aytguvchi, na yo‘l so‘rovchi.

Qarang, qarang, Navro‘z kelmoqda!

Qarang, qarang, Navro‘z kelmoqda!

Tunga kundan joy talashtirib,
Qaldirg‘ochga yo‘l qarashtirib,
Bahorimni bir yarashtirib,
Qarang, qarang, Navro‘z kelmoqda!

Xush keldingiz, shirin shirin xush Ramazon!

Xush keldingiz, shirin shirin xush Ramazon!

Har tong sahar rizqim ochib kutib olsam,
Sizdan ibrat xush niyatni dilga solsam,
Shul niyatni dilda mangu tutib qolsam,
Visolingiz shirin-shirin Ey Ramazon!

Ayollarga 8 mart tabrigi. (Hazil sheʼr)

Ayollarga 8 mart tabrigi. (Hazil sheʼr)

Bugun bayram. Ayollarning chehrasida tabassum,
Biri tannoz, biri shodon, biri hush, biri maʼsum,
Lov-lov yonib turganiga keldi mening havasim,
Ey go‘zallar, aziz qizlar, sizga bayram muborak!

Kayfiyat yo‘q

Kayfiyat yo‘q

Yig‘lagim keladi. Sabab nomaʼlum.
Dod solgim keladi olamni buzib.
Jonimdan to‘ymadim, lekin negadir
Otvorgim keladi yuragim uzib.

Musofirlarga

Musofirlarga

Odamlar. Mehringiz tashlab ketinglar,
Ketsangiz vatanga meros qoldirib.
Shunisi yaxshiroq qolgan elimga,
Ketgandan qasrdek uylar soldirib.

Ko‘rmaganning ko‘rgani qursin

Ko‘rmaganning ko‘rgani qursin

Ko‘rmaganning ko‘rgani qursin:
Ko‘rsatadi qaramaganga,
Bordan chetda, yo‘qning oldida,
Maqtanadi yaramaganga.

Tanhoman yana men...

Tanhoman yana men...

Tanhoman yana men, sahroda qolgan
Quduqdek, suvlari qurigan.
Tanhoman, kimsasiz, ovloq uy kabi
Qarovsiz, ustuni chirigan.

Asakamning yigitlariga

Asakamning yigitlariga

Tan beraman Asakamning yigitlariga,
Kamtar emas, maqtanishar javobi bilan.
Kerak bo‘lsa urib-turtar yerga urmasdan,
Dushmanga ham osh yedirar savobi bilan.