Donishmandlik bizga hayot so‘qmoqlarida ulug‘ saodatni hozirlab inʼom etuvchi vositadir. Abu Ali ibn Sino.

Xush keldingiz, shirin shirin xush Ramazon!

Xush keldingiz, shirin shirin xush Ramazon!

Har tong sahar rizqim ochib kutib olsam,
Sizdan ibrat xush niyatni dilga solsam,
Shul niyatni dilda mangu tutib qolsam,
Visolingiz shirin-shirin Ey Ramazon!

Tinmas tanim sabr qilar, lolman bugun,
Dardchil ruxim tetik bu on, jondan ustun,
Yarim baxt deb aytganlar lol, baxtim butun,
Qadamingiz shirin shirin Ey Ramazon!

Goho dilim vayron dunyo tashvishlardan,
Topsam savob, gohi gunoh bu ishlardan,
Dardim ortsa zaif iymon qilmishlardan,
Malhamingiz shirin-shirin xush Ramazon!

Ko‘ngil dog‘in yuvar dildan Xatmi Qurʼon,
Ne jazira, yo qahraton, panoh Iymon,
Ahli Inson sabriga rizq bo‘ldi ehson,
Iftoringiz shirin-shirin dil Ramazon!

Har kuningiz jonga darkor, dilga kormi?
Bag‘ringizda duo qilmoq bizga yormi?
Allohimdan bizga ortiq ehson bormi?
Xush keldingiz, shirin shirin xush Ramazon!

19 Avgust, 2012 yil.

Sahifamda zerikib qolmang!

  • O‘lmasoy Nishonova. Meni ishqdan sovutma dunyo...

    1984-yilning 22-avgustida Farg‘ona viloyati Toshloq tumanida tavallud topgan. Tumandagi o‘rta maktabni tamomlab, Marg‘ilon Milliy Xunarmandchilik Litseyiga o‘qishga qabul qilingan. Ijod namunalari «Marg‘ilon gulshani», «Farg‘ona tomonlarda» kabi to‘plamlarga kiritilgan.

  • Abdul Boqiy

    Abdul Boqiy (Kenjaboyev Abdulboqi Urayimjon o‘g‘li) – 1978-yilning 15-aprelida Namangan viloyatining Chortoq shahrida tavallud topgan.
    Adabiy faoliyati mobaynida nafaqat anʼanaviy uslubda, balki Modern, xususan, Neo modern, Metamodern uslublarida nazm va nasrda ijod qiladi.

  • Yoqimli sheʼr

    Yoqimli sheʼr. O‘zim yozdim. O‘zimga.
    Sheʼr yo‘g‘ida bir o‘qishga yaroqli.
    Mazza qildim! Tasanno har so‘zimga!
    O‘qiyapman qayta qayta. Maroqli.

  • Hamkasbimga hazil

    (Hamkasbimga hazil)

    Ul yigitkim bir jahon, bu zamon bir donadur,
    Yo‘q demakim ko‘rkini, har sifat nishonadur.

    Bir Umar farzandi ul, kindik qoni Namangon,
    Makon bo‘ldi Andijon-kim, tahsili Farg‘onadur.

  • Yoshlarga to‘y hazili

    Fido bo‘ldi bir oshiqning hurlik oni to‘yxonada,
    Bir gul yuzli barno kutar bo‘ldi uni ostonada.

    Ahli yori o‘ynab kular oshiq ko‘nglin olmoq bo‘lib,
    Ammo oshiq ko‘ngli to‘yda emas balki durdonada.

  • Matmusaning kartasi - 2

    Kirib kelar yangi yil, hayit eshik qoqmoqda,
    Bizning dono Matmusa kassa tomon boqmoqda.

    Ishlar joyi tayindir, maoshidan ko‘ngli to‘q,
    Bor boyligi kartada, cho‘ntagida tiyin yo‘q.
    Kutib o‘tar kun sayin, ishga kelar maosh deb,
    Axir bir kun tugaydi, yotaversa karta yeb.