Ro‘yo etib oftobnikim ey go‘zal qiz xush keldingiz,
Ruxsoriga uyoltirib hilolimiz xush keldingiz!
Anda yulduz ko‘zlaringiz ichra topmas o‘z aksini,
Aytadurkim: «Tun ko‘rmasin bu holimiz, xush keldingiz!»
Yo‘llaringiz uzra gullar madh aylashar chiroyingiz,
Yig‘ilib jam bo‘lsa kamdir jamolimiz, xush keldingiz!
Har tomchiki yuzlaringiz haroratin qilgay havas,
Har zilol ovoza aylar iqbolimiz xush keldingiz!
Oh chekar osmonda oppoq bulut xolin bilgan sabo,
Oy yuzingiz siypalarmish shamolimiz, xush keldingiz!
Nechuk bulbul xonishida nola yo‘qdur deb so‘rmangiz,
Nafis gulga noma aylar kamolimiz xush keldingiz!
Aylasa taʼrif Alisher mubolag‘a etmas g‘azal,
Aytadi har bayt nomai aʼmolimiz xush keldingiz!