Do‘stimki, dushmanimga do‘stlik qilarkan, uni men do‘st hisoblamayman. Zaharga qo‘shilgan shakardan ehtiyot bo‘l. Abu Ali ibn Sino.

Yangi yil keldi

Yangi yil keldi

Fasli bahor o‘tib ketibdi,
Yoz o‘tibdi tashvishlar bilan.
Kuz mevasin to‘kib ketibdi,
Qish kelibdi yumushlar bilan.

Nima qildik, nima qilmadik?
Qayga bordik, qayga bormadik...
Ne onlarni yodlab yuribmiz,
Ne yillarni esga olmadik.

Har onimiz bilib g‘animat,
Tiriklikdan chora izladik.
Oxiratni bahona qilib,
Kimni senlab, kimni sizladik.

Bugun yana shu ahvoldamiz:
Yangi yilga tashvishlar bisyor,
Bir tomonda bolta va to‘nka,
Bir tomonda chorlar do‘stu yor.

Qo‘ying endi. Qaramang ortga,
O‘tsa o‘tib ketsin eski yil.
Borin ko‘rdik, ko‘rarmiz yana,
Yangi yilda yangicha hosil.

Har yilning o‘z xosiyati bor,
Buni xar bir keksa biladi.
Eski yilda tuyoq ko‘p bo‘ldi,
Yangi yilda barslar keladi.
 
Yetkazganga shukrona ayting,
Yetganlar bor, yetmaganlar bor.
Yangi yilga oling tol novda,
Eskilardan bir siqim yodgor.

Ne yozishni bilmayman asli,
Go‘yo menga har yil odatiy.
Lekin aniq, har yil entikib
Yangi yilni kutishim tabiiy.

Nega? Chunki yana yangi yil,
Yana umid, yangi orzular.
Voz kechmayman eskilardan ham,
Balki yangi yilda ushalar?!

Sizlarga xam tilaklarim shu:
Yangi yilda yaxshilik bo‘lsin,
Har kuningiz bo‘lib bir quvonch,
Qalbingizga hidoyat to‘lsin.

Mehr bo‘lsin yopinchigingiz,
Aso bo‘lsin sizga adolat,
Iymon bo‘lsin sizga ulug‘ rizq,
Tanimasin sizni razolat.

Sizga bayram bo‘lsin muborak.
Yana bahor, yoz, kuz o‘tguncha
Barcha, barcha bo‘lsin salomat,
Yana yangi yilga yetguncha!

25-dekabr, 2009 yil.

Sahifamda zerikib qolmang!

  • O‘lmasoy Nishonova. Meni ishqdan sovutma dunyo...

    1984-yilning 22-avgustida Farg‘ona viloyati Toshloq tumanida tavallud topgan. Tumandagi o‘rta maktabni tamomlab, Marg‘ilon Milliy Xunarmandchilik Litseyiga o‘qishga qabul qilingan. Ijod namunalari «Marg‘ilon gulshani», «Farg‘ona tomonlarda» kabi to‘plamlarga kiritilgan.

  • Abdul Boqiy

    Abdul Boqiy (Kenjaboyev Abdulboqi Urayimjon o‘g‘li) – 1978-yilning 15-aprelida Namangan viloyatining Chortoq shahrida tavallud topgan.
    Adabiy faoliyati mobaynida nafaqat anʼanaviy uslubda, balki Modern, xususan, Neo modern, Metamodern uslublarida nazm va nasrda ijod qiladi.

  • Hamkasbimga hazil

    (Hamkasbimga hazil)

    Ul yigitkim bir jahon, bu zamon bir donadur,
    Yo‘q demakim ko‘rkini, har sifat nishonadur.

    Bir Umar farzandi ul, kindik qoni Namangon,
    Makon bo‘ldi Andijon-kim, tahsili Farg‘onadur.

  • Yoqimli sheʼr

    Yoqimli sheʼr. O‘zim yozdim. O‘zimga.
    Sheʼr yo‘g‘ida bir o‘qishga yaroqli.
    Mazza qildim! Tasanno har so‘zimga!
    O‘qiyapman qayta qayta. Maroqli.

  • Yoshlarga to‘y hazili

    Fido bo‘ldi bir oshiqning hurlik oni to‘yxonada,
    Bir gul yuzli barno kutar bo‘ldi uni ostonada.

    Ahli yori o‘ynab kular oshiq ko‘nglin olmoq bo‘lib,
    Ammo oshiq ko‘ngli to‘yda emas balki durdonada.

  • Matmusaning kartasi - 2

    Kirib kelar yangi yil, hayit eshik qoqmoqda,
    Bizning dono Matmusa kassa tomon boqmoqda.

    Ishlar joyi tayindir, maoshidan ko‘ngli to‘q,
    Bor boyligi kartada, cho‘ntagida tiyin yo‘q.
    Kutib o‘tar kun sayin, ishga kelar maosh deb,
    Axir bir kun tugaydi, yotaversa karta yeb.