Donishmandlik bizga hayot so‘qmoqlarida ulug‘ saodatni hozirlab inʼom etuvchi vositadir. Abu Ali ibn Sino.

Begona sheʼrim

Begona sheʼrim

O‘ylasam uyaldim, borsam titradim,
Satringdan tutgani topolmadim kuch.
O‘radim, chirmadim, yashirdim ko‘zdan:
Mana endi oshkor sheʼrim, meni quch.

Qachon tug‘ilgansan? Eslay olmadim.
Bilganim: birma bir satr terganim,
Bir jumla yopishsa o‘zimcha tergab,
O‘zimcha har harfga mehr berganim.

Shoirman deganlar aldashdi meni:
- Sheʼrni xalq o‘qisin, qafasingni och!
Oqibat avaylab, asrab, suyganim,
Turibsan oshkora, ochiq, yalang‘och.

Uyalma satringni siypalasa kim,
Or qilma yechilsa birma bir mazmun.
Xohlasang meni o‘p, boshqasini quch.
Ishqimiz tugagan sen o‘qilgan kun.

Varaqda sarg‘ayib kutish orzuing
Alishdi har chetda oshkor yurishga.
Birgina harfidan uyalgan sheʼrim,
Majbursan ko‘ksingni kerib turishga.

Kerakmidi menga senga suq nazar?
Yoki men dayusman, yoki sen sho‘x qiz.
Mana, sen oshkorsan, men egilgan bosh,
Turibmiz begona bo‘lib ikkimiz...

1~18-oktyabr, 2024 yil.

Sahifamda zerikib qolmang!

  • O‘lmasoy Nishonova. Meni ishqdan sovutma dunyo...

    1984-yilning 22-avgustida Farg‘ona viloyati Toshloq tumanida tavallud topgan. Tumandagi o‘rta maktabni tamomlab, Marg‘ilon Milliy Xunarmandchilik Litseyiga o‘qishga qabul qilingan. Ijod namunalari «Marg‘ilon gulshani», «Farg‘ona tomonlarda» kabi to‘plamlarga kiritilgan.

  • Abdul Boqiy

    Abdul Boqiy (Kenjaboyev Abdulboqi Urayimjon o‘g‘li) – 1978-yilning 15-aprelida Namangan viloyatining Chortoq shahrida tavallud topgan.
    Adabiy faoliyati mobaynida nafaqat anʼanaviy uslubda, balki Modern, xususan, Neo modern, Metamodern uslublarida nazm va nasrda ijod qiladi.

  • Yoqimli sheʼr

    Yoqimli sheʼr. O‘zim yozdim. O‘zimga.
    Sheʼr yo‘g‘ida bir o‘qishga yaroqli.
    Mazza qildim! Tasanno har so‘zimga!
    O‘qiyapman qayta qayta. Maroqli.

  • Hamkasbimga hazil

    (Hamkasbimga hazil)

    Ul yigitkim bir jahon, bu zamon bir donadur,
    Yo‘q demakim ko‘rkini, har sifat nishonadur.

    Bir Umar farzandi ul, kindik qoni Namangon,
    Makon bo‘ldi Andijon-kim, tahsili Farg‘onadur.

  • Yoshlarga to‘y hazili

    Fido bo‘ldi bir oshiqning hurlik oni to‘yxonada,
    Bir gul yuzli barno kutar bo‘ldi uni ostonada.

    Ahli yori o‘ynab kular oshiq ko‘nglin olmoq bo‘lib,
    Ammo oshiq ko‘ngli to‘yda emas balki durdonada.

  • Matmusaning kartasi - 2

    Kirib kelar yangi yil, hayit eshik qoqmoqda,
    Bizning dono Matmusa kassa tomon boqmoqda.

    Ishlar joyi tayindir, maoshidan ko‘ngli to‘q,
    Bor boyligi kartada, cho‘ntagida tiyin yo‘q.
    Kutib o‘tar kun sayin, ishga kelar maosh deb,
    Axir bir kun tugaydi, yotaversa karta yeb.