Donishmandlik bizga hayot so‘qmoqlarida ulug‘ saodatni hozirlab inʼom etuvchi vositadir. Abu Ali ibn Sino.

Yaxshi kayfiyat

Yaxshi kayfiyat

Assalom alaykum dustim.

Bugun tongda turganimda, ko‘chada mashq qilayotgan Kayfiyat bilan gaplashib qoldim. Negadir bugun ko‘ngli chog‘.

Birgalashib ozgina mashq qildik. Bu orada Sog‘liq ham kelib ketdi. Bugun sizni yo‘qlamoqchi ekan. Shunga bir oz xavotirlanib, nima gap deb so‘ramoqchi edim? Tinchmisiz? Kayfiyat ham salom aytib yubordi. Bugun o‘zim ham o‘tarman dedi. Kayfiyatni olib biznikiga kelinglar, bir qo‘lbola osh damlab beraman.

Darvoqe, kecha Quvonch bilan Shodlik qo‘ng‘iroq qilishgandi. Mexrning telefon raqamini so‘rashdi. Negadir eski raqami olmayapti. Agar bugun Mexrni uchratsangiz, menga telefon raqamini berib yuborsangiz. Bo‘lmasa Quvonchga yoki Shodlikka aytib qo‘ysangiz. Menga juda ham zarur. O‘zim ham qidirib ko‘raman.

Bugun vaqtingiz qanaqa? Kecha Baxt va Omad bilan o‘tirishda ko‘proq ichib qo‘yganmiz shekili, kecha tuni bilan xammani uyini taqqilatib bezor qilishibdi. Shunga bir borib xabar olib qo‘ysak degandim. Xali zamon o‘zlari ham kelishib qolishsa kerak. Mendan uyalishib, sizning oldingizga borishsa extimol. Bir urishib qo‘ying, xadeb erkalik qilishavermasin. Ularni deb kecha Rashk bilan Muxabbat urishib qolishibdi. Tuni bilan Muxabbatni yupatib chikdim. Arazlab Xijronga ketaman deydi. Zo‘rga aldab olib qoldim. Agar tanishlaringiz bo‘lsa bir necha kunga Visolga yo‘llanma olib bersangiz. Bo‘lmasa iltimos, do‘stlardan bir surishtirib ko‘ring.

Uzr do‘stim. Ko‘p gapirib yubordim. Lekin tug‘risini aytsam, bir narsa so‘rashga istixola qilib turibman. Bugun tug‘ilgan kuningizmi, biror bir bayrammi, xammasi sizni yo‘qlab ketishdi. Meni ham yur deyishgandi, lekin o‘zingizdan biror bir taklif olmaganim uchun, to‘g‘risi, bir oz xijolat bo‘ldim bostirib borgani. Xozir Tabassumni kutib turibman. Agar kelsa birga borarmiz degan niyatda edim. Shunga bir oldingizdan o‘tib ko‘yay degandim. 

Mayli dustim. Allox sizni o‘z panoxida asrasin. Men endi ishga ketishim kerak, tashkarida xamkasblarim Sabr bilan Shukr kutib turishibdi. Yo‘l yo‘lakay Rizq bilan Barakani ham olib ketishimiz kerak. Xabarlashib turaylik. Balki bugun uchrashib qolarmiz….

Soginguncha…

Sahifamda zerikib qolmang!

  • O‘lmasoy Nishonova. Meni ishqdan sovutma dunyo...

    1984-yilning 22-avgustida Farg‘ona viloyati Toshloq tumanida tavallud topgan. Tumandagi o‘rta maktabni tamomlab, Marg‘ilon Milliy Xunarmandchilik Litseyiga o‘qishga qabul qilingan. Ijod namunalari «Marg‘ilon gulshani», «Farg‘ona tomonlarda» kabi to‘plamlarga kiritilgan.

  • Abdul Boqiy

    Abdul Boqiy (Kenjaboyev Abdulboqi Urayimjon o‘g‘li) – 1978-yilning 15-aprelida Namangan viloyatining Chortoq shahrida tavallud topgan.
    Adabiy faoliyati mobaynida nafaqat anʼanaviy uslubda, balki Modern, xususan, Neo modern, Metamodern uslublarida nazm va nasrda ijod qiladi.

  • Hamkasbimga hazil

    (Hamkasbimga hazil)

    Ul yigitkim bir jahon, bu zamon bir donadur,
    Yo‘q demakim ko‘rkini, har sifat nishonadur.

    Bir Umar farzandi ul, kindik qoni Namangon,
    Makon bo‘ldi Andijon-kim, tahsili Farg‘onadur.

  • Yoqimli sheʼr

    Yoqimli sheʼr. O‘zim yozdim. O‘zimga.
    Sheʼr yo‘g‘ida bir o‘qishga yaroqli.
    Mazza qildim! Tasanno har so‘zimga!
    O‘qiyapman qayta qayta. Maroqli.

  • Yoshlarga to‘y hazili

    Fido bo‘ldi bir oshiqning hurlik oni to‘yxonada,
    Bir gul yuzli barno kutar bo‘ldi uni ostonada.

    Ahli yori o‘ynab kular oshiq ko‘nglin olmoq bo‘lib,
    Ammo oshiq ko‘ngli to‘yda emas balki durdonada.

  • Matmusaning kartasi - 2

    Kirib kelar yangi yil, hayit eshik qoqmoqda,
    Bizning dono Matmusa kassa tomon boqmoqda.

    Ishlar joyi tayindir, maoshidan ko‘ngli to‘q,
    Bor boyligi kartada, cho‘ntagida tiyin yo‘q.
    Kutib o‘tar kun sayin, ishga kelar maosh deb,
    Axir bir kun tugaydi, yotaversa karta yeb.