Шодли ва қайғули пайтларида дилини кудуратдан тозалаб, соф дўстликни сақлаб қолган киши чин дўст ҳисобланади. Абу Али ибн Сино.

Бегона шеърим

Бегона шеърим

Ўйласам уялдим, борсам титрадим,
Сатрингдан тутгани тополмадим куч.
Ўрадим, чирмадим, яширдим кўздан:
Мана энди ошкор шеърим, мени қуч.

Қачон туғилгансан? Эслай олмадим.
Билганим: бирма бир сатр терганим,
Бир жумла ёпишса ўзимча тергаб,
Ўзимча ҳар ҳарфга меҳр берганим.

Шоирман деганлар алдашди мени:
- Шеърни халқ ўқисин, қафасингни оч!
Оқибат авайлаб, асраб, суйганим,
Турибсан ошкора, очиқ, яланғоч.

Уялма сатрингни сийпаласа ким,
Ор қилма ечилса бирма бир мазмун.
Хоҳласанг мени ўп, бошқасини қуч.
Ишқимиз тугаган сен ўқилган кун.

Варақда сарғайиб кутиш орзуинг
Алишди ҳар четда ошкор юришга.
Биргина ҳарфидан уялган шеърим,
Мажбурсан кўксингни кериб туришга.

Керакмиди менга сенга суқ назар?
Ёки мен даюсман, ёки сен шўх қиз.
Мана, сен ошкорсан, мен эгилган бош,
Турибмиз бегона бўлиб иккимиз...

1~18-октябрь, 2024 йил.

Саҳифамда зерикиб қолманг!

  • Ўлмасой Нишонова. Мени ишқдан совутма дунё...

    1984-йилнинг 22-августида Фарғона вилояти Тошлоқ туманида таваллуд топган. Тумандаги ўрта мактабни тамомлаб, Марғилон Миллий Хунармандчилик Лицейига ўқишга қабул қилинган. Ижод намуналари «Марғилон гулшани», «Фарғона томонларда» каби тўпламларга киритилган.

  • Абдул Боқий

    Абдул Боқий (Кенжабоев Абдулбоқи Урайимжон ўғли) – 1978-йилнинг 15-апрелида Наманган вилоятининг Чортоқ шаҳрида таваллуд топган. 
    Адабий фаолияти мобайнида нафақат анъанавий услубда, балки Модерн, хусусан, Нео модерн, Метамодерн услубларида назм ва насрда ижод қилади.

  • Матмусанинг картаси - 2

    Кириб келар янги йил, ҳайит эшик қоқмоқда,
    Бизнинг доно Матмуса касса томон боқмоқда.

    Ишлар жойи тайиндир, маошидан кўнгли тўқ,
    Бор бойлиги картада, чўнтагида тийин йўқ.
    Кутиб ўтар кун сайин, ишга келар маош деб,
    Ахир бир кун тугайди, ётаверса карта еб.

  • Ҳамкасбимга ҳазил

    (Ҳамкасбимга ҳазил)

    Ул йигитким бир жаҳон, бу замон бир донадур,
    Йўқ демаким кўркини, ҳар сифат нишонадур.

    Бир Умар фарзанди ул, киндик қони Намангон,
    Макон бўлди Андижон-ким, таҳсили Фарғонадур.

  • Ёшларга тўй ҳазили

    Фидо бўлди бир ошиқнинг ҳурлик они тўйхонада,
    Бир гул юзли барно кутар бўлди уни остонада.

    Аҳли ёри ўйнаб кулар ошиқ кўнглин олмоқ бўлиб,
    Аммо ошиқ кўнгли тўйда эмас балки дурдонада.

  • Матмусанинг картаси

    Бир кун дўстим Матмуса чуқур ўйга толибди,
    Барча доно фикрини бир мезонга солибди.

    - Ҳозир мен ҳам бизнесмен, омад қувган боламан.
    Иш жойимда маошни жуда катта оламан.
    Яна бунинг устига ойлик ошган ўтган ой,
    Хаммасини бир олсам, қай чўнтакка соламан?