Sheʼrlarim

Shoirlar nima uchun sheʼr yozishlarini bilmadimu, lekin ilhom parisi kaminani yod etib, yuragimda allanechuk cheksizlik his qilganimda bir necha satr qoralashga jazm etaman.Chunki aynan mana shu cheksizlik menga yuragim izlagan cheksiz ozodlik his tuyg‘usini hadya etadi.

Ali Al Mehr

Muhabbat

Aytayin dardimni kim...

Aytayin dardimni kim tinglagay aʼmon ichra,
Aytmasam bo‘zlar yurak nolai fig‘on ichra.

Lol bo‘ldim, vujudimg‘a imkon bor etmoq shifo,
Lek qalbim yarosiga topmadim zamon ichra.

Meni yolg‘iz tashlab ketding Onajonim

Onamga...

Chaqmoq kabi bir yondingu zumda so‘nding.
Taqdir uchun emas mening ohu zorim.
Yolg‘onchi deb nom chiqargan bu dunyoga
Meni yolg‘iz tashlab ketding Onajonim.

Iyun, 2000 yil.