Do‘stimki, dushmanimga do‘stlik qilarkan, uni men do‘st hisoblamayman. Zaharga qo‘shilgan shakardan ehtiyot bo‘l. Abu Ali ibn Sino.

Baʼzi qizlarga...

Baʼzi qizlarga...

O‘zbegim, bo‘z ko‘ylak kiyib o‘sgansan.
Atlasing bor edi taxmonlaringda.
Bir kuni kelinlik yuzin ochgani
Oq ko‘ylak saqlarding javonlaringda.

Endichi, yoqasiz, yengsiz, tugmasiz,
Kalta tor ko‘ylakka kuning qoldimi?
Iffating berganing, oringni olgan
Dayuslar seni shu kuyga soldimi?

Buvimiz o‘rardi katta oq ro‘mol,
Jon issiq, kafansiz qolmayin deya.
Chimmating yechganing yetmaganmidi?
Kiyganing ust-boshing tashlamas soya...

O‘zbegim, nomahram ko‘rmasdi yuzing,
Ko‘rmasdak uylansak qilmasdi alam!
Ko‘chaga chiqqanda mayliga edi:
Akangni shimini kiyib yursang ham.

Oy popuk taqarding sunbullaringga...
Endichi? Taqibsan sirg‘a avratga...
Tillaqosh qidirsam, nigohim tushdi
Xilvatga chizilgan nozik suratga.

O‘zbegim, keng ko‘rpa yetmasdi avval
Iffating ko‘zgudan yashirmoq uchun.
Nahotki bir laxtak yashira olsa
Butun bir oringni dunyodan bugun?

Na qilay, Singiljon, aybing erkalik,
Buvam ham, otam ham, men ham aybdor.
Qiyomat yuzimiz ko‘rmoqchi bo‘lsang,
Etaging yopib ol, hali vaqting bor.

10 Sentyabr, 2009 yil.

Sahifamda zerikib qolmang!

  • O‘lmasoy Nishonova. Meni ishqdan sovutma dunyo...

    1984-yilning 22-avgustida Farg‘ona viloyati Toshloq tumanida tavallud topgan. Tumandagi o‘rta maktabni tamomlab, Marg‘ilon Milliy Xunarmandchilik Litseyiga o‘qishga qabul qilingan. Ijod namunalari «Marg‘ilon gulshani», «Farg‘ona tomonlarda» kabi to‘plamlarga kiritilgan.

  • Abdul Boqiy

    Abdul Boqiy (Kenjaboyev Abdulboqi Urayimjon o‘g‘li) – 1978-yilning 15-aprelida Namangan viloyatining Chortoq shahrida tavallud topgan.
    Adabiy faoliyati mobaynida nafaqat anʼanaviy uslubda, balki Modern, xususan, Neo modern, Metamodern uslublarida nazm va nasrda ijod qiladi.

  • Hamkasbimga hazil

    (Hamkasbimga hazil)

    Ul yigitkim bir jahon, bu zamon bir donadur,
    Yo‘q demakim ko‘rkini, har sifat nishonadur.

    Bir Umar farzandi ul, kindik qoni Namangon,
    Makon bo‘ldi Andijon-kim, tahsili Farg‘onadur.

  • Yoqimli sheʼr

    Yoqimli sheʼr. O‘zim yozdim. O‘zimga.
    Sheʼr yo‘g‘ida bir o‘qishga yaroqli.
    Mazza qildim! Tasanno har so‘zimga!
    O‘qiyapman qayta qayta. Maroqli.

  • Yoshlarga to‘y hazili

    Fido bo‘ldi bir oshiqning hurlik oni to‘yxonada,
    Bir gul yuzli barno kutar bo‘ldi uni ostonada.

    Ahli yori o‘ynab kular oshiq ko‘nglin olmoq bo‘lib,
    Ammo oshiq ko‘ngli to‘yda emas balki durdonada.

  • Matmusaning kartasi - 2

    Kirib kelar yangi yil, hayit eshik qoqmoqda,
    Bizning dono Matmusa kassa tomon boqmoqda.

    Ishlar joyi tayindir, maoshidan ko‘ngli to‘q,
    Bor boyligi kartada, cho‘ntagida tiyin yo‘q.
    Kutib o‘tar kun sayin, ishga kelar maosh deb,
    Axir bir kun tugaydi, yotaversa karta yeb.