Тўнғиз мучали самимийлик, очиқкўнгиллик, меҳрибонлик ва ҳаётдан завқ олишга интилиш билан боғланади. Мучал тизимида Тўнғиз вакиллари яна беш тоифага ажратилади ва ҳар бир тоифа ўз унсури билан белгиланади.
Сув, Олов, Тупроқ, Металл ва Ёғоч Тўнғиз — бир мучал доирасидаги беш хил унсур. Уларнинг ҳар бири характер, дунёқараш, муносабатлар ва ҳаётга ёндашувда ўзига хос жиҳатларни намоён қилиши мумкин.
Сиз қайси тоифага мансуб Тўнғиз эканингизни аниқланг ва ўз унсурингизга хос хусусиятлар билан танишинг.

Металл Тўнғиз (1911, 1971, 2031)
Металл Тўнғизлар бошқа Тўнғиз мучали вакилларидан аниқ намоён бўлган шуҳратпарастлиги билан ажралиб турадилар. Улар мақсадга интиладиган, очиқ, жонли ва фаол инсонлар бўлиб, турли соҳаларда фаолият юритадилар. Табиатан принципиал ва ўз қарашларига содиқ, бироқ баъзан бошқаларнинг гапини бевосита қабул қилишга мойил ва ортиқча ишонувчан бўлиб қолишади.
Металл Тўнғиз ҳаётий муаммоларни ҳал қилишда ва қийин вазиятлардан чиқишда катта эҳтиёткорликка эга. Уларда ажойиб ҳазил ҳисси мавжуд, улар турли кўнгилочар тадбирларда жон деб иштирок этишади. Очиқ ва дўстона табиатлари орқали кўп дўстлар ва мухлислар орттиришади.
Металл Тўнғизлар учун энг муҳими — ортиқча ишонч ва соддаликни назорат қилиш, бу уларнинг ҳаётдаги муваффақиятини янада оширади.


Сув Тўнғиз (1923, 1983, 2043)
Сув Тўнғизларни ҳақиқатдан олтин юракли инсонлар деб айтса бўлади. Уларнинг кенг кўнгиллиги ҳеч қачон чегара билмайди, атрофдагилар билан ҳамиша дўстона, тенг ва барқарор муносабатлар ўрнатишга интилдилар. Улар ишончли, бироқ баъзан соддалиги туфайли бошқаларнинг ёмон ниятлари оқибатида азобланиб қолиши мумкин.
Бу йилларда туғилганлар одатда тинч ва ортиқча ҳашамларсиз ҳаёт кечиришни яхши кўрадилар. Шунга қарамай, жамиятда бўлишдан ҳам завқ оладилар, кўпинча ҳамкасблар ва дўстлар орасида энг жозибали, давраларнинг гулига айланадилар. Улар яхши ривожланган ҳис туйғу, интуицияга эга бўлиб, атрофдагиларнинг фикрлари ва ниятларини тушуниш қобилияти юқори. Сув Тўнғизнинг билим доираси катта ва ақлий қобилияти ҳар қандай инсонни ҳайратда қолдиради.
Ўз ҳаётини янада яхшилаш учун Сув Тўнғиз ўз хатоларини англашни, оқ ва қорани фарқлашни, қатъиятли бўлишни ўрганиши керак.

Ёғоч Тўнғиз (1935, 1995, 2055)
Ёғоч Тўнғизлар жуда дўстона ва самимий инсонлар бўлиб, уларнинг сўзлари таъсирли ва ишончли. Улар атрофдагиларнинг эътиборини ва ҳурматини тез, осон ва табиий йўл билан қозона олади. Улар учун яқинлар ва атрофдагилар билан яхши ва дўстона муносабатларда бўлиш муҳим аҳамиятга эга.
Ёғочнинг донолиги ва Тўнғизнинг фаоллиги уларни ажойиб ташкилотчи ва раҳбарга айлантиради. Баъзан бу йилларда туғилганлар ўз зиммаларига ортиқча масъулият олиб, оғир юкни кўтара бошлайдилар. Шу билан бирга, улар яқинларига садоқатли ва эҳтиёжмандларга ёрдам беришдан мамнун бўладилар. Ёғоч Тўнғизлар юмор ҳиссига эга, оптимист ва спорт билан шуғулланишни ёқтирадилар.
Ўз ҳаёти сифатини яхшилаш учун Ёғоч Тўнғизлар вақт-вақти билан «йўқ» деган сўзни айтишни ўрганишлари лозим, чунки уларнинг дўстона ва кўп нарсага рози бўлиши кўпинча ўз манфаатларига зарар келтириши мумкин.

Олов Тўнғиз (1947, 2007, 2067)
Олов Тўнғизлар — энергияси юқори, ташаббускор ва фикрларини очиқ ифодалайдиган ростгўй инсонлар. Улар ҳар қандай ишга пухта ва асосли ёндашадилар ва мақсадга эришиш учун баъзан хавфли қадамлар қўя оладилар. Ҳамма нарсани йўқотиш хавфи уларни қўрқитмайди, аксинча шиддатли таваккалчилик уларда ўз мақсадлари учун курашиш, рақобат руҳини кучайтиради.
Шу билан бирга, улар баъзан қисқа муддатли ҳавасларига берилиб, асосий мақсаддан четга кетиб қолиши ва ишга бўлган қизиқишини йўқотиши мумкин. Олов Тўнғиз - қатъиятли ва ўзи мустақил қарор қабул қилишни ёқтирадиган шахс.
Олов Тўнғизлар яқинларига эътиборли, ғамхўр ва қўли очиқ, шунингдек молиявий ишларда омадли бўладилар.
Улар учун энг муҳим масала - ҳар нарсага шошилиб киришишдан ҳимояланишни, катта эҳтиёткорликни кўпроқ намоён этишни ўрганишлари керак.

Тупроқ Тўнғиз (1959, 2019, 2079)
Тупроқ Тўнғизлар моддий дунёга боғланган, улар учун қулайлик, фаровонлик, чиройли ва қимматбаҳо буюмлар муҳим аҳамиятга эга. Бу йилларда туғилганлар яхши ташкилотчилик қобилиятига эга, бизнес ва молиявий масалаларда тажрибали, пул билан муомала қилишни билган инсонлардир.
Одатда улар кенг кўнгилли ва меҳрибон, оғир вазифаларни ҳам сабр билан бажара оладилар, бошқалар давом этолмай қоладиган вазиятларда ҳам узлуксиз ҳаракат қиладилар.
Тупроқ Тўнғизлар эътибор бериши керак бўлган жиҳат - спиртли ичимликларга мойилликдан ҳимояланиш ва ўзини назорат қилиш.