Шеърларим

Шоирлар нима учун шеър ёзишларини билмадиму, лекин илҳом париси каминани ёд этиб, юрагимда алланечук чексизлик ҳис қилганимда бир неча сатр қоралашга жазм этаман.Чунки айнан мана шу чексизлик менга юрагим излаган чексиз озодлик ҳис туйғусини ҳадя этади.

Али Ал Меҳр

Тиконсиз атиргул

Тиконсиз атиргул

Гул ясади заргар олтиндан,
Барглар йўнди забаржадлардан,
Гулбаргига қўйди дур шабнам,
Исин терди ақиқ қандлардан.

Ювилди дил ғуборларим

Ювилди дил ғуборларим

Кўз ёшимни артиб қора бўлди булутлар,
Ҳасратларим чангларига акса урарлар.
Юрагимнинг парчасидек дўлга айланиб,
Тупроқларга қоришганча яксон турарлар.

Эллик икки карвон

Эллик икки карвон

18 Январь, 2018 йил манзилга ета олмаган 52 мусофир юртдошларим хотирасига бағишланади.

2018 йил 18 январь куни Қозоғистоннинг Ақтўбе вилояти Иргиз туманида салонидаги 52 йўловчиси билан автобус ёниб кетди. Бу фожиани, бу йўқотишни тасаввур қилишнинг ўзи даҳшатли, оғриқли эди. Юраклар зирқиради, аламлар тилка пора қилди, иложсизлик, тақдир, қисмат олдида ноилож қолди инсонлар. Бу барча учун оғир синов бўлди. Манзилга ета олмаган 52 мусофир юртдошларимнинг охирати обод бўлсин.

Мусофир бўлдим

Мусофир бўлдим

Мусулмонсан гар мусофир бўлсанг деди.
Ота-онам, ёрни ташлаб юртлар кездим.
Ярашади “Мерс”лар миниб юрсанг деди, 
Топганимда соғинч эмас, нафсни сездим.

Бандасан

Бандасан

Аллоҳни танирсан Раҳмон деб,
Ажратиб яхши деб, ёмон деб,
Яшарсан ўткинчи замон деб,
Бандасан, кимлигинг билдингми?

Бефарқ инсон

Бефарқ инсон

Зарари ҳам, фойдаси ҳам йўқ инсондан зарарлироқ, фойдасизроқ инсон бўлмайди.

Бефарқлик қалбимнинг касали,
Юқади, огоҳроқ юринглар.
Тегмасам кўп хурсанд бўлмасдан
Баъзида туртиб ҳам туринглар.

Ҳиндистонда ватан соғинчи

Ҳиндистонда ватан соғинчи

Юрагимга ишқ солмади хилқатларинг,
Ақли ҳушим лол қилмади хислатларинг,
Аллоҳимдек ёр бўлмади ҳазратларинг,
Эй Ҳиндистон, мен соғиндим Ўзбегимни.

Тош юрак

Тош юрак

Тушунмади мени инсонлар! Улар доҳий, мен эса манқурт,
Тушунмади мени муҳаббат! Вафо кетди, қолди бир бебурд.
Тушунмади менинг юрагим, олов ўчди, қолмай ҳатто дуд,
Ҳатто ажал йўқламас бўлиб, тош юракли бемеҳр қолди.

Ҳаёт гўзал

Ҳаёт гўзал

Ҳаёт гўзал, кўролсанг уни
Йўқдир ундан гўзалроқ малак.
Камлик қилар орзу ва тилак
Яна меҳр, қалб кўзи керак.

Ватан ҳимоячиларига байрам табриги

Ватан ҳимоячиларига байрам табриги

Юртимизнинг ифтихори, полвонлари ўзингиз,
Ватанимнинг сардорлари, хоқонлари ўзингиз,
Гулзор юртнинг боғбони-ю, деҳқонлари ўзингиз,
Ўзбегимнинг йигитлари, сизга байрам муборак!
Ўзбекистон посбонлари, сизга байрам муборак!

Шоир тақдири

Шоир тақдири

(Шоир Муҳаммад Юсуфни эслаб)

Аллоҳ дардни бериб шоирга
Тақдирига ёзиб қўярмиш:
Қачон дардин шеър қила олса
Шундагина шоир ўлармиш.

Бир кун келиб…

Бир кун келиб…

Бир кун келиб севиб қолади:
Ёр васлидан маст бўлар кўнгил,
Ҳар амалда бир изҳори дил,
Ҳижрон-аср, висол бир фасл.

Тирикларга қўйилмас ҳайкал

Тирикларга қўйилмас ҳайкал

Тирикларга қўйилмас ҳайкал.
Бу ҳаммага аён ҳақиқат.
Майли денглар мени нотавон,
Бир нарсага ҳайронман фақат:

Йиғлама болажон...

Йиғлама болажон...

Жангларда бесабаб нобуд бўлган гўдаклар хотирасига бағишланади...

Йиғлама болажон, сенга ўқ отган
Ўша ит, ифлослар жавоб олади.
Кўзингни ёш қилган ёвуз махлуқлар
Ўзлари танасиз, бошсиз қолади.

Оппоқ қорга...

Оппоқ қорга...

Тонг саҳар ёйибсан яна дастурхон.
Чимчилаб уйғотдинг.
Ширин бир озор.
Титрайман:
Бағрингдан қўймайсан ҳамон.
Ёримни соғиндим.
Йўл бер оппоқ қор.