Жангларда бесабаб нобуд бўлган гўдаклар хотирасига бағишланади...
Йиғлама болажон, сенга ўқ отган
Ўша ит, ифлослар жавоб олади.
Кўзингни ёш қилган ёвуз махлуқлар
Ўзлари танасиз, бошсиз қолади.
Албатта кун келар, дунё бирлашиб,
Ўч олар ҳар битта кўзинг ёшига.
Одам ниқобидан юрган махлуқнинг
Жаҳаннам азобин солар бошига.
Инсонлар уйғонар, кўзлар очилар,
Уйғонар иймонлар, келар тирилиб.
Ёвузлик ва унинг итялоқлари
Кўринган жойида кетар қирилиб.
Йўқ, улар инсоннинг наслидан эмас,
Англамас, қилмагин қанча дод фарёд.
Сўндирма умидинг, курашамиз, бас,
Токи бу махлуқдан қолмас бир авлод.
Ўкинма болажон, бўлди бир сабаб
Кўз ёшинг, ярадор, мурғак, ярим жон.
Албатта кун келар, дунё бирлашиб,
Махлуқни енгади, ишон болажон.
9-Январь, 2023 йил.