Қадр ўлсин, ёстиғимни ҳўл қилганча,
Ҳолимдан бир хабар олмай кетдинг укам.
Менинг қадрим шу қадар ҳам паст бўлдими,
Сени олган ҳудодан сўр, қаерим кам?
Шеърларим
Шоирлар нима учун шеър ёзишларини билмадиму, лекин илҳом париси каминани ёд этиб, юрагимда алланечук чексизлик ҳис қилганимда бир неча сатр қоралашга жазм этаман.Чунки айнан мана шу чексизлик менга юрагим излаган чексиз озодлик ҳис туйғусини ҳадя этади.
Онам бўлса бахтим йўлда қолармиди?
Тақдир мени шу кунларга солармиди?
Меҳр излаб топган дардим олармиди?
Ё Аллоҳим синовлари шу бўлдими?
Раҳмдил Аллоҳ номи билан бошлайман.
Ҳайрон этиб икки дунё ғалвасига,
Ошиқ қилдинг бу дунёнинг бандасига.
Эй Аллоҳим, мурувватинг этма дариғ,
Зор қилмагин бир фарзанднинг жандасига.
Тонгда туриб ухламаган оромидан нола қилар,
Дуоларда не сўрашин фақат ўзи, Тангри билар.
Кўзлар мунгли, титроқ қўллар ёстиғини аста силар,
Боласининг орқасидан қолмасин Она.
Тўйим бугун. Тўйхонадан, Онам, руҳинг излайман,
Юзим ниқоб табассумдан, ич-ичимдан бўзлайман.
Ёнимда ёр оқ рўмолда армонимни билмайди,
Келин салом қилганида сенга салом бермайди.
"Оналар оёғи остида жаннат".
Бунчалар нодонман, энди билибман.
Сен кетган сўқмоқдан топиб олганим
Ҳали ҳам ковушинг кийиб юрибман...…
Рад этиб бўлгайму ғунча ҳар баҳор ёзгин деса,
Бул ажиб замин аро сен ифтихор ёзгин деса,
Берди Аллоҳ, кетмасин ҳайф иқтидор, ёзгин деса,
Ёзмаям бўлгайму кўнглим ашъор ёзгин деса,
Қалбу қоним жўш уриб, шому наҳор ёзгин деса.
Кимда хирмон, кимда арзон жон талаш,
Бирда имкон, бирда иймон жонталаш,
Уйса хирмон борки иймон жон савоб,
Йўқса армон қолса имкон жон талаш.
9-Ноябрь, 2015 йил.
Ваъда бергайлар қўйиб Раҳмон ўртада,
Иймону инсоф бўлиб сарсон ўртада.
Жазо билмас қози лол ҳайрон ўртада.
Диёнату адолат вайрон ўртада,
Охиратни ўйламас замон, ўртада
Ном нишонсиз кетди, йўқ, пинҳон ўртада.
Сентябрь, 2004 йил.
Ўн икки ой гўзали эй моҳи тобон,
Ҳуш келибсиз! Марҳабо эй ҳуш Рамазон!
Хаста бўлган танимми ё руҳим билиб
Шифои нур келтирибсиз бизга чунон.
Кўрдим ўзимни бир ғариб, камол етмоқ осон эмас,
Камол етса ҳамки инсон, танҳо кетмоқ осон эмас.
Айтсалар ёш танда эмас, бошда бўлар ҳар бир амал,
Айтгум қарилик гаштини ёшда тотмоқ осон эмас.