Аллоҳни танирсан Раҳмон деб,
Ажратиб яхши деб, ёмон деб,
Яшарсан ўткинчи замон деб,
Бандасан, кимлигинг билдингми?
Қиларинг қилгансан, қиларсан,
Айбингни ўзинг ҳам биларсан,
Гуноҳинг кечишин тиларсан,
Бандасан, тавбангни қилдингми?
Ўтмишни тақдир деб айтайсан,
Келажак, умид деб яшайсан,
Савобни ортингга ташлайсан,
Бандасан, қиёмат қўйдингми?
Тўярсан, шукрона айтасан,
Кун келар, ёмондан қайтасан,
Қиларсан бир савоб, қайдасан,
Бандасан, гуноҳдан тўйдингми?
Ишқи деб илоҳий, ёнарсан,
Ибодат висолга қонарсан,
Дунёнинг ишқидан тонарсан,
Бандасан, бандасин суйдингми?
Бандаман сен каби, тинмаган,
Осийман, ажримни билмаган,
Тавбам кўп, тилимда қилмаган,
Бандасан, менга ҳам куйдингми?
7 июнь, 2007 йил.