Bir beshikka siqqan joning
Bugun sig‘mas keng dunyoga.
Ikki dunyo.
Biri unut.
Bir siynaga to‘ygan nafsing
Bugun to‘ymas. Ko‘zing to‘ymas.
Boring chala.
Boraring but.
G‘am bilmasding.
Go‘yo dunyo bor tashvishi gardaningda.
Qo‘l siltading qarzlaringga.
Dod solarding.
Endi kulib bosh egasan.
So‘ramaysan.
Javob bermas arzlaringga.
Topoldingmi?
Sen izlagan o‘sha oddiy dunyo qani?
Ko‘rolmaysan.
Ko‘rsang sarob.
Aldangdingmi?
Sarob emas.
Rosti dunyo ko‘rganlaring.
Tanla:
Gunoh yoki savob.
Bilging kelar.
Asli kimsan o‘z o‘zingga yoki kimga.
Go‘yo o‘zing o‘zing uchun Begonadek.
Begonalar afzal sendan.
Dushman xuddi so‘ling jufti o‘nging uchun.
Qo‘y. O‘ylama.
Boru bo‘ldi.
Yo‘g‘i bo‘lar.
Qolganlari ertaga qasd, orzu havas.
Bu dunyoda bir beshikka siqqan joning sig‘may qolmas.
Tirikliging bitta nafas.
Iyun~Iyul, 2017 yil.