Bog‘da gullar ochilgan zamon
Gulga dardin aytadi rayhon.
Tinglab uni bo‘ldim men hayron:
Rayhon dardin tingla Qizlarjon...
Donishmandlik bizga hayot so‘qmoqlarida ulug‘ saodatni hozirlab inʼom etuvchi vositadir. Abu Ali ibn Sino.
Xayollarim shamoliga yelkan tutdim,
Sen tomonga eltarmi deb to‘lqinlarim.
Tumanlarda yo‘qoldimmi yo‘ldan ozib,
Dilim mayoq, ishqim o‘ti yolqinlarim.
Diydoring ko‘rolmay vaslingga zorman,
Ishqingda ko‘rmasdan kuygan bedorman,
Lablaring bolini totmay xumorman,
Fusunkor vaslingga bir intizorman.
Xayol surib xayolimni olgan qiz,
Uyalganda yurakka o‘t solgan qiz,
So‘ramaysiz, yuragimni bilmaysiz...
Tushunmading senga yozgan sheʼrimga,
Qaramading olib kelgan gulimga.
O‘ylab qoldim, qarab tursang qo‘limga,
Kelganmiding oshiq bo‘lib pulimga?!
Muhabbatga zorlanadi tashna yuragim,
Topolmayin ishq sahrosi ichra bir buloq.
Sarson yurar visol izlab tunamoq uchun,
Yo‘llarida vafo bo‘lib yastanar qumloq.
Ishonmading sevaman desam,
Ishonmading yonsa yuragim,
Yolg‘on bo‘ldi sen uchun qasam
Ro‘yo bo‘lib qoldi tilagim.
Olisdagi qoyalarga boqsam termilib,
Yo sharqirab oqar suvga tushsa nigohim,
Xotiralar yuragimni o‘tadi tilib,
Nahot seni uchratganim bo‘ldi gunohim.
Muhabbat do‘stlikning nihoyasidir…
Do‘st dedimu sevgim menga begona bo‘ldi,
Nish urdiyu, muhabbatim ochilmay so‘ldi,
Visol emas, uqubatga paymonam to‘ldi.
Meni emas, o‘z-o‘zingni aldading go‘zal.
Esingdami? Kuz oqshomi anhor bo‘yiga
So‘nggi bora uchrashuvga tanho kelganing?
Esingdami, o‘shal oqshom kelib yonimga
- Sen emassan mening yorim, o‘zga, - deganing?
Gulg‘unchaga o‘xshatmang sevgim,
Men gullarga qilmayman havas.
Tog‘lar kabi mustahkam demang,
Chunki ular abadiy emas.
So‘zlarimga ishonma go‘zal.
Ko‘zlarimda yolg‘onchi nigoh.
Ko‘kragimga qo‘yma boshingni
Sirlarimdan etmaydi ogoh.
Bog‘imda ochilgan bir tup atirgul
Gulbargin oftobga solgancha mayus
Shabboda ishqiga etmayin parvo
Oshiq bulbulini kutadi hanuz.
Bog‘imga qaytganda sabolar
Qaytadan yaraldi navolar
Shabnamga to‘yganda havolar,
Muhabbat ortiga qaytmadi.
Qayerda qolganin aytmadi.
Sahifamda zerikib qolmang!
-
1984-yilning 22-avgustida Farg‘ona viloyati Toshloq tumanida tavallud topgan. Tumandagi o‘rta maktabni tamomlab, Marg‘ilon Milliy Xunarmandchilik Litseyiga o‘qishga qabul qilingan. Ijod namunalari «Marg‘ilon gulshani», «Farg‘ona tomonlarda» kabi to‘plamlarga kiritilgan.
-
Abdul Boqiy (Kenjaboyev Abdulboqi Urayimjon o‘g‘li) – 1978-yilning 15-aprelida Namangan viloyatining Chortoq shahrida tavallud topgan.
Adabiy faoliyati mobaynida nafaqat anʼanaviy uslubda, balki Modern, xususan, Neo modern, Metamodern uslublarida nazm va nasrda ijod qiladi. -
Yoqimli sheʼr. O‘zim yozdim. O‘zimga.
Sheʼr yo‘g‘ida bir o‘qishga yaroqli.
Mazza qildim! Tasanno har so‘zimga!
O‘qiyapman qayta qayta. Maroqli. -
(Hamkasbimga hazil)
Ul yigitkim bir jahon, bu zamon bir donadur,
Yo‘q demakim ko‘rkini, har sifat nishonadur.Bir Umar farzandi ul, kindik qoni Namangon,
Makon bo‘ldi Andijon-kim, tahsili Farg‘onadur. -
Fido bo‘ldi bir oshiqning hurlik oni to‘yxonada,
Bir gul yuzli barno kutar bo‘ldi uni ostonada.Ahli yori o‘ynab kular oshiq ko‘nglin olmoq bo‘lib,
Ammo oshiq ko‘ngli to‘yda emas balki durdonada. -
Kirib kelar yangi yil, hayit eshik qoqmoqda,
Bizning dono Matmusa kassa tomon boqmoqda.Ishlar joyi tayindir, maoshidan ko‘ngli to‘q,
Bor boyligi kartada, cho‘ntagida tiyin yo‘q.
Kutib o‘tar kun sayin, ishga kelar maosh deb,
Axir bir kun tugaydi, yotaversa karta yeb.