Donishmandlik bizga hayot so‘qmoqlarida ulug‘ saodatni hozirlab inʼom etuvchi vositadir. Abu Ali ibn Sino.

Muhammad Yusuf

Muhammad Yusufga

(Muhammad Yusufning “Onajon” sheʼriga nazira)

Topmoq – yo‘qotmoqdir,
Yo‘qotmoq – topmoq,
Sen yozib,
Men o‘qib,
Yurishimga boq.

Sen xalqqa berolding,
Men ne beroldim?
Sen meni o‘rgatding,
Men na yod oldim:
Sen sheʼrlar yaratding,
Men ne yozoldim?
Uyalmay sheʼr yozib
Kelishimga boq!

Ona haqda sheʼrlar 
Yozdim o‘zimcha,
Mehr deb taxallus
Qildim qo‘shimcha,
Sheʼr yozmay men o‘lay.
Sheʼrmi shu?
Attang:
Sen ko‘proq yozsayding,
Ko‘proq yashasang!
Yoddan sheʼr bilmayman
Bitta qizimcha,
Uyalmay shoirman
Deyishimga boq.

Yodingdan aylanay,
Sheʼring qadrdon,
Nazira yozganda
Ruxingmi shodon?
Boqma ko‘zlarimga
Bemajol, xasta,
Baʼzida sheʼrimdek
Ko‘nglim shikasta,
Sheʼringdan sheʼr qilib
Yozib, Yusufjon,
Bir o‘qib, bir yig‘lab,
Kulishimga boq

Bilsang yuragimni
Bir alam elar.
Intilsam qo‘limdan
Kelmaydi nelar,
Ayt, kitob yozaymi,
Moshin yasaymi,
Yoki dars beraymi,
Ko‘kka qaraymi?
Mening ham xalqqa naf
Keltirgim kelar –
Vaqtimni xor qilib
Yurishimga boq.

Hammasi oldinda,
Hali bor deysan,
Kechikma deysan-da,
Yo‘qsa xor deysan.
Yana sheʼr yozaman,
O‘zimcha to‘qib,
Bilgan bilmagandan
Falsafa so‘qib.
O‘qigin, o‘rgangin,
Xalqqa kor deysan,
Men-chi, jim, taqdirga
Ko‘nishimga boq.

Sheʼrim bitdi, Xayr,
Do‘stlar, xush qoling.
Yengil sheʼr yozishni
O‘rganmang mendek.
Boring, Muhammaddan
Bitta sheʼr oling,
Ertaga kech qolib
O‘rtanmang menday.

19 aprel, 2017 yil.

Sahifamda zerikib qolmang!

  • O‘lmasoy Nishonova. Meni ishqdan sovutma dunyo...

    1984-yilning 22-avgustida Farg‘ona viloyati Toshloq tumanida tavallud topgan. Tumandagi o‘rta maktabni tamomlab, Marg‘ilon Milliy Xunarmandchilik Litseyiga o‘qishga qabul qilingan. Ijod namunalari «Marg‘ilon gulshani», «Farg‘ona tomonlarda» kabi to‘plamlarga kiritilgan.

  • Abdul Boqiy

    Abdul Boqiy (Kenjaboyev Abdulboqi Urayimjon o‘g‘li) – 1978-yilning 15-aprelida Namangan viloyatining Chortoq shahrida tavallud topgan.
    Adabiy faoliyati mobaynida nafaqat anʼanaviy uslubda, balki Modern, xususan, Neo modern, Metamodern uslublarida nazm va nasrda ijod qiladi.

  • Yoqimli sheʼr

    Yoqimli sheʼr. O‘zim yozdim. O‘zimga.
    Sheʼr yo‘g‘ida bir o‘qishga yaroqli.
    Mazza qildim! Tasanno har so‘zimga!
    O‘qiyapman qayta qayta. Maroqli.

  • Hamkasbimga hazil

    (Hamkasbimga hazil)

    Ul yigitkim bir jahon, bu zamon bir donadur,
    Yo‘q demakim ko‘rkini, har sifat nishonadur.

    Bir Umar farzandi ul, kindik qoni Namangon,
    Makon bo‘ldi Andijon-kim, tahsili Farg‘onadur.

  • Yoshlarga to‘y hazili

    Fido bo‘ldi bir oshiqning hurlik oni to‘yxonada,
    Bir gul yuzli barno kutar bo‘ldi uni ostonada.

    Ahli yori o‘ynab kular oshiq ko‘nglin olmoq bo‘lib,
    Ammo oshiq ko‘ngli to‘yda emas balki durdonada.

  • Matmusaning kartasi - 2

    Kirib kelar yangi yil, hayit eshik qoqmoqda,
    Bizning dono Matmusa kassa tomon boqmoqda.

    Ishlar joyi tayindir, maoshidan ko‘ngli to‘q,
    Bor boyligi kartada, cho‘ntagida tiyin yo‘q.
    Kutib o‘tar kun sayin, ishga kelar maosh deb,
    Axir bir kun tugaydi, yotaversa karta yeb.