(Муҳаммад Юсуфнинг "Онажон" шеърига назира)
Топмоқ – йўқотмоқдир,
Йўқотмоқ – топмоқ,
Сен ёзиб,
Мен ўқиб,
Юришимга боқ.
Сен халққа беролдинг,
Мен не беролдим?
Сен мени ўргатдинг,
Мен на ёд олдим:
Сен шеърлар яратдинг,
Мен не ёзолдим?
Уялмай шеър ёзиб
Келишимга боқ!
Она ҳақда шеърлар
Ёздим ўзимча,
Меҳр деб тахаллус
Қилдим қўшимча,
Шеър ёзмай мен ўлай.
Шеърми шу?
Аттанг:
Сен кўпроқ ёзсайдинг,
Кўпроқ яшасанг!
Ёддан шеър билмайман
Битта қизимча,
Уялмай шоирман
Дейишимга боқ.
Ёдингдан айланай,
Шеъринг қадрдон,
Назира ёзганда
Рухингми шодон?
Боқма кўзларимга
Бемажол, хаста,
Баъзида шеъримдек
Кўнглим шикаста,
Шеърингдан шеър қилиб
Ёзиб, Юсуфжон,
Бир ўқиб, бир йиғлаб,
Кулишимга боқ
Билсанг юрагимни
Бир алам элар.
Интилсам қўлимдан
Келмайди нелар,
Айт, китоб ёзайми,
Мошин ясайми,
Ёки дарс берайми,
Кўкка қарайми?
Менинг ҳам халққа наф
Келтиргим келар –
Вақтимни хор қилиб
Юришимга боқ.
Ҳаммаси олдинда,
Ҳали бор дейсан,
Кечикма дейсан-да,
Йўқса хор дейсан.
Яна шеър ёзаман,
Ўзимча тўқиб,
Билган билмагандан
Фалсафа сўқиб.
Ўқигин, ўргангин,
Халққа кор дейсан,
Мен-чи, жим, тақдирга
Кўнишимга боқ.
Шеърим битди, Хайр,
Дўстлар, хуш қолинг.
Енгил шеър ёзишни
Ўрганманг мендек.
Боринг, Муҳаммаддан
Битта шеър олинг,
Эртага кеч қолиб
Ўртанманг мендай.
19 апрель, 2017 йил.