Yaqin o‘tgan zamonda
IT kuchli tomonda,
Uylanibdi dasturchi
Orzulari osmonda.
Kelin bo‘lmish ziyoli,
O‘qimishli, hayoli,
Taʼlim ko‘rgan, o‘qigan,
Or-nomusli, iboli.
Kiribdi chimildiqqa,
To‘yibdi osh qatiqqa.
Tushunmabdi 40 kunda
Kelindagi mantiqqa.
Kuyov hayron, tushunmas
Kelinchakning ko‘nglini.
Million kod yozsa ham,
Topolmasmish yo‘lini.
Yozib ko‘rdi Pythonda
JAVA, C, PHPda.
Titib ko‘rdi RAM, GPU
Nima bor deb ichida.
ENTER bossa arazlab,
ESCAPE bossa turarmish.
CTRL ALT DEL bossa
Yig‘lamasdan kularmish.
Restart qildi, bo‘lmadi,
Commit, Deploy, Push – Error.
Kuyov shuncha kod yozib
Bo‘lmagan bunchalar xor.
O‘qib chiqdi Zigmund, Jung,
Gates, Jobs, Linusni,
Topolmadi kelinda
Qayda plyus, minusni.
Qocholmaydi, admin bor,
Jonga tegdi barchasi,
Tushunguncha ayolni
G‘ovlab ketdi miyasi.
Eng oxirgi chora deb,
FORMAT qildi, KILL qildi.
Yana bitta imkon deb,
GITdan V1 PULL qildi.
Ish bermabdi hech biri,
Bosh baglarga to‘libdi,
Dasturchining hayoti.
System Crash bo‘libdi.
Alqissa shu, Ayolga,
Algoritm ketmaydi.
Butun umr ayolni
Tushunishga yetmaydi!
26 Mart, 2026 yil.
Toshkent.