Donishmandlik bizga hayot so‘qmoqlarida ulug‘ saodatni hozirlab inʼom etuvchi vositadir. Abu Ali ibn Sino.

Tosh yurak

Tosh yurak

Tushunmadi meni insonlar! Ular dohiy, men esa manqurt,
Tushunmadi meni muhabbat! Vafo ketdi, qoldi bir beburd.
Tushunmadi mening yuragim, olov o‘chdi, qolmay hatto dud,
Hatto ajal yo‘qlamas bo‘lib, tosh yurakli bemehr qoldi.

Ro‘yo derlar orzularimni. Boylik bo‘ldi qabr toshlari.
Yomon derlar mehrlarimni. Halol bo‘ldi bergan oshlari.
Unut derlar armonlarimni, kulgu bo‘ldi ko‘zim yoshlari,
El tanimas, izzatin bilmas tosh yurakli bir sag‘ir qoldi.

Haqiqatim yolg‘on dedilar. Baxt keltirdi yolg‘on so‘zlarim.
Oq ko‘rganim qora dedilar. Ko‘rmay qoldi qora ko‘zlarim.
Do‘stlarimni g‘anim dedilar. Shirin so‘zli bo‘ldi do‘stlarim,
Ming avomga bir sulton bo‘lib tosh yurakli bir faqir qoldi.

Niyat qildim, sayru fazoviy. Ko‘r dedilar tarki jahonni.
Bilgan edim bandai Alloh. Bil dedilar yaxshi yomonni.
Suygan edim ishqi ilohiy. Suy dedilar ishqi zamonni,
Muhabbatsiz hayotdan kechgan tosh yurakli toshbag‘ir qoldi.

24 iyul, 2006 yil.

Sahifamda zerikib qolmang!

  • O‘lmasoy Nishonova. Meni ishqdan sovutma dunyo...

    1984-yilning 22-avgustida Farg‘ona viloyati Toshloq tumanida tavallud topgan. Tumandagi o‘rta maktabni tamomlab, Marg‘ilon Milliy Xunarmandchilik Litseyiga o‘qishga qabul qilingan. Ijod namunalari «Marg‘ilon gulshani», «Farg‘ona tomonlarda» kabi to‘plamlarga kiritilgan.

  • Abdul Boqiy

    Abdul Boqiy (Kenjaboyev Abdulboqi Urayimjon o‘g‘li) – 1978-yilning 15-aprelida Namangan viloyatining Chortoq shahrida tavallud topgan.
    Adabiy faoliyati mobaynida nafaqat anʼanaviy uslubda, balki Modern, xususan, Neo modern, Metamodern uslublarida nazm va nasrda ijod qiladi.

  • Yoqimli sheʼr

    Yoqimli sheʼr. O‘zim yozdim. O‘zimga.
    Sheʼr yo‘g‘ida bir o‘qishga yaroqli.
    Mazza qildim! Tasanno har so‘zimga!
    O‘qiyapman qayta qayta. Maroqli.

  • Hamkasbimga hazil

    (Hamkasbimga hazil)

    Ul yigitkim bir jahon, bu zamon bir donadur,
    Yo‘q demakim ko‘rkini, har sifat nishonadur.

    Bir Umar farzandi ul, kindik qoni Namangon,
    Makon bo‘ldi Andijon-kim, tahsili Farg‘onadur.

  • Yoshlarga to‘y hazili

    Fido bo‘ldi bir oshiqning hurlik oni to‘yxonada,
    Bir gul yuzli barno kutar bo‘ldi uni ostonada.

    Ahli yori o‘ynab kular oshiq ko‘nglin olmoq bo‘lib,
    Ammo oshiq ko‘ngli to‘yda emas balki durdonada.

  • Matmusaning kartasi - 2

    Kirib kelar yangi yil, hayit eshik qoqmoqda,
    Bizning dono Matmusa kassa tomon boqmoqda.

    Ishlar joyi tayindir, maoshidan ko‘ngli to‘q,
    Bor boyligi kartada, cho‘ntagida tiyin yo‘q.
    Kutib o‘tar kun sayin, ishga kelar maosh deb,
    Axir bir kun tugaydi, yotaversa karta yeb.