Donishmandlik bizga hayot so‘qmoqlarida ulug‘ saodatni hozirlab inʼom etuvchi vositadir. Abu Ali ibn Sino.

Oppoq sheʼr

Oppoq sheʼr

Eshitganman. Kimdir aytgan, kimdir o‘rgatgan:
Oq sheʼr degan sheʼr bo‘larmish. Erkin va ozod.
Unda na qofiya, na vazn xokim.
Na biror qoida to‘xtatolmasmish.

Mening xam oq sheʼrga havasim keldi:
Men ham oq, oppoq sheʼr yozgimlar keldi.
Na qonun qoida, na mazmun qoldi.
Unda na dardim bor va na bir quvonch.
Haqiqiy oq sheʼr bu, oppoqqina sheʼr.

Unda dard, g‘ubor yo‘q, unda ozor yo‘q,
Unda na quvonch bor, na yaxshi tilak.
Unda mening ko‘nglimdagi sodda so‘zlar bor,
Unda mening bir orzuim, oppoq sheʼrim bor.

Ayblamang. Bu oq sheʼr. Oppoqqina sheʼr...
Bir mazmun axtarmang. Kulmang ustimdan.
Bu sheʼrda siz uchun atalgan so‘z yo‘q,
Men uchun bir olam. Mening o‘zim bor.
Bu mening oq sheʼrim. Oppoqqina sheʼr.

28 Avgust, 2012 yil.

Sahifamda zerikib qolmang!

  • O‘lmasoy Nishonova. Meni ishqdan sovutma dunyo...

    1984-yilning 22-avgustida Farg‘ona viloyati Toshloq tumanida tavallud topgan. Tumandagi o‘rta maktabni tamomlab, Marg‘ilon Milliy Xunarmandchilik Litseyiga o‘qishga qabul qilingan. Ijod namunalari «Marg‘ilon gulshani», «Farg‘ona tomonlarda» kabi to‘plamlarga kiritilgan.

  • Abdul Boqiy

    Abdul Boqiy (Kenjaboyev Abdulboqi Urayimjon o‘g‘li) – 1978-yilning 15-aprelida Namangan viloyatining Chortoq shahrida tavallud topgan.
    Adabiy faoliyati mobaynida nafaqat anʼanaviy uslubda, balki Modern, xususan, Neo modern, Metamodern uslublarida nazm va nasrda ijod qiladi.

  • Yoqimli sheʼr

    Yoqimli sheʼr. O‘zim yozdim. O‘zimga.
    Sheʼr yo‘g‘ida bir o‘qishga yaroqli.
    Mazza qildim! Tasanno har so‘zimga!
    O‘qiyapman qayta qayta. Maroqli.

  • Hamkasbimga hazil

    (Hamkasbimga hazil)

    Ul yigitkim bir jahon, bu zamon bir donadur,
    Yo‘q demakim ko‘rkini, har sifat nishonadur.

    Bir Umar farzandi ul, kindik qoni Namangon,
    Makon bo‘ldi Andijon-kim, tahsili Farg‘onadur.

  • Yoshlarga to‘y hazili

    Fido bo‘ldi bir oshiqning hurlik oni to‘yxonada,
    Bir gul yuzli barno kutar bo‘ldi uni ostonada.

    Ahli yori o‘ynab kular oshiq ko‘nglin olmoq bo‘lib,
    Ammo oshiq ko‘ngli to‘yda emas balki durdonada.

  • Matmusaning kartasi - 2

    Kirib kelar yangi yil, hayit eshik qoqmoqda,
    Bizning dono Matmusa kassa tomon boqmoqda.

    Ishlar joyi tayindir, maoshidan ko‘ngli to‘q,
    Bor boyligi kartada, cho‘ntagida tiyin yo‘q.
    Kutib o‘tar kun sayin, ishga kelar maosh deb,
    Axir bir kun tugaydi, yotaversa karta yeb.