Ilhom parilari ranjidim sizdan,
Malaklar oldiga ketaman endi,
Siz aytgan ertaklar yolg‘onlaridan
Ularga xonishlar etaman endi.
Parilar, sizlarda yurak bormikin?
Yoki siz yuragim o‘yin qildingiz?
Men suygan qizlardan meni ayirib,
Sevgimni sizlarga qaram bildingiz?
Yo‘q! Aslo, ro‘yoga ko‘ngil qo‘ymadim,
Men suydim boricha mehri borlarni?
Sizlardek aldashni qilmadim havas,
Men rostdan so‘zladim dil izhorlarni.
Eh mening ilhomim pari paykari,
Mening ashʼorlarim yolg‘ondan emas!
Har bitta harfimni kuyib yozganman,
Sevganki yurak bor, sheʼr yolg‘on demas!
Ilhom parilari ranjidim sizdan,
Bir malak oldiga ketaman endi.
Shu bugun sizlarga xiyonat qilib
Men suygan yorimga yetaman endi.
14 iyul, 2015 yil.