Bir qizaloq xotirasi uchun.
Bolajonim, tashvish tortma, sog‘ omonman.
Dardim aytsam yig‘lamagin, men yomonman.
Sen hur qizsan, menku gumroh bir insonman,
Jannatlarda yurgan qizim, kulib yurgin.
Nima qilay, yurak bag‘rim yonib ketdi,
Sen ketdingu, dunyo mendan tonib ketdi.
Mayli, qizim oq sutimga qonib ketdi,
Jannatdan joy qilgan qizim, kulib yurgin.
Ko‘ylakchangni olib qo‘ydim isingni deb,
Daftarlaring olib qo‘ydim ismingni deb,
Hovlimizga gullar ekdim jismingni deb,
Jannat isin bergan qizim, kulib yurgin.
Ona qizim, oppoq qizim, sabrim Alloh,
Sinov deya bizga berdi ajrim Alloh,
Sen ko‘ngandek men ham ko‘ndim, mehrim Alloh,
Jannatlardan duo qizim, kulib yurgin.
20 Noyabr, 2012 yil.