Donishmandlik bizga hayot so‘qmoqlarida ulug‘ saodatni hozirlab inʼom etuvchi vositadir. Abu Ali ibn Sino.

To‘rtlik

Bir juft satr...

Bandasini idrok etmak odati
Erur do‘zax o‘ti bundin jannati…

 

 

Ayo do‘stlar kechiringiz qilsam xato,
Buni meros qoldirmishdir Odam Ato.

May,2000 yil.

 

 

Chaqmagay ko‘r qalbni so‘z, garchi u chaqmoq emas,
Chaqsa hamki bo‘lsa do‘st, niyati chaqmoq emas.

07 Iyun, 2004 yil.

 

 

Dunyoni sig‘dirib bitolmasang bayt,
Sen shoir bo‘lmoqlik niyatingdan qayt.

Iyun, 2004 yil.

 

 

Garchi uni desalar buyuk, qilar ishi bo‘lsa nomaʼqul,
Seni nodon desalar mayli, undan uzoq yurganing maʼqul.

Iyun, 2004 yil.

 

 

Ulug‘ligin taʼna qilgan ulug‘lardan
Yaxshi hosil, garchi unmas urug‘lardan.

Iyun, 2004 yil.

 

 

Xalq ichida xor bo‘lmoqni qilsang ixtiyor,
Gado bo‘lma, xokim bo‘lgin, imkoni bisyor.


Iyun, 2004 yil.
 

 

Xokimlar bor, ko‘chat ekib bog‘ qiladi,
Birlari bor, cho‘l-biyobon, tog‘ qiladi..

Iyun, 2004 yil.

 

 

Ikki visol o‘rtasida kelgan visol
Boldan keyin shakar totmoq zavqi misol.

19 Yanvar, 2007 yil.

Sahifamda zerikib qolmang!

  • O‘lmasoy Nishonova. Meni ishqdan sovutma dunyo...

    1984-yilning 22-avgustida Farg‘ona viloyati Toshloq tumanida tavallud topgan. Tumandagi o‘rta maktabni tamomlab, Marg‘ilon Milliy Xunarmandchilik Litseyiga o‘qishga qabul qilingan. Ijod namunalari «Marg‘ilon gulshani», «Farg‘ona tomonlarda» kabi to‘plamlarga kiritilgan.

  • Abdul Boqiy

    Abdul Boqiy (Kenjaboyev Abdulboqi Urayimjon o‘g‘li) – 1978-yilning 15-aprelida Namangan viloyatining Chortoq shahrida tavallud topgan.
    Adabiy faoliyati mobaynida nafaqat anʼanaviy uslubda, balki Modern, xususan, Neo modern, Metamodern uslublarida nazm va nasrda ijod qiladi.

  • Yoqimli sheʼr

    Yoqimli sheʼr. O‘zim yozdim. O‘zimga.
    Sheʼr yo‘g‘ida bir o‘qishga yaroqli.
    Mazza qildim! Tasanno har so‘zimga!
    O‘qiyapman qayta qayta. Maroqli.

  • Hamkasbimga hazil

    (Hamkasbimga hazil)

    Ul yigitkim bir jahon, bu zamon bir donadur,
    Yo‘q demakim ko‘rkini, har sifat nishonadur.

    Bir Umar farzandi ul, kindik qoni Namangon,
    Makon bo‘ldi Andijon-kim, tahsili Farg‘onadur.

  • Yoshlarga to‘y hazili

    Fido bo‘ldi bir oshiqning hurlik oni to‘yxonada,
    Bir gul yuzli barno kutar bo‘ldi uni ostonada.

    Ahli yori o‘ynab kular oshiq ko‘nglin olmoq bo‘lib,
    Ammo oshiq ko‘ngli to‘yda emas balki durdonada.

  • Matmusaning kartasi - 2

    Kirib kelar yangi yil, hayit eshik qoqmoqda,
    Bizning dono Matmusa kassa tomon boqmoqda.

    Ishlar joyi tayindir, maoshidan ko‘ngli to‘q,
    Bor boyligi kartada, cho‘ntagida tiyin yo‘q.
    Kutib o‘tar kun sayin, ishga kelar maosh deb,
    Axir bir kun tugaydi, yotaversa karta yeb.