Donishmandlik bizga hayot so‘qmoqlarida ulug‘ saodatni hozirlab inʼom etuvchi vositadir. Abu Ali ibn Sino.

Yolqin g‘azaliga muxammas

Yolqin g‘azaliga muxammas

Rad etib bo‘lgaymu g‘uncha har bahor yozgin desa,
Bul ajib zamin aro sen iftixor yozgin desa,
Berdi Alloh, ketmasin hayf iqtidor, yozgin desa,
Yozmayam bo‘lgaymu ko‘nglim ashʼor yozgin desa,
Qalbu qonim jo‘sh urib, shomu nahor yozgin desa.

Yo‘qki do‘stim, bitmagay sheʼr, birga yurmas bir dame,
Bir pari bergayki ilhom, ortga surmas bir dame,
Harki bayt bitgan qalamlar nola urmas bir dame,
Ul devonlarkim, javonim ichra turmas bir dame,
Ne iloj, peshvolarim yo‘llab mador, yozgin desa.

Farishtalar aylab duo, rizqu-ro‘z berganda Haq,
Ul quyosh aylabki shamdon, yo‘llasa xar on shafaq
Nayni havas qilmay qamish qalam bo‘lib turganda naq
G‘unchalar tutsa siyohin, ochsa yulduzlar varaq,
Tongda bulbullar navosi beg‘ubor yozgin desa.

Oh, ajab, poylaydi yo‘lim, xumorim yoshin tutib,
Aylagay sochini sochiq, ilkima oshin tutib,
Har visol onida, xushnud, ko‘ksima boshin tutib,
Ul qalam qoshimki, tutqazgay qalam, qoshin tutib,
Yozmayinmu komronim intizor yozgin desa.

Bul hayot har oni ibrat, har kuni bo‘lganda dars,
Yozgani nechun zamonlar, zarra imkon bo‘lsa bas.
Bo‘lmagay ijod qushiga uchsa chor devor qafas,
To‘ldirib ko‘ksimni olsam koinotdan men nafas,
Yerda mehnat gashtiga aylab xumor, yozgin desa.

Navoiyni qildim havas, keldi qo‘ldan yozaman.
Har navoga aylasam qasd, keldi qo‘ldan yozaman,
To baqodan kelmagay sas, keldi qo‘ldan yozaman,
G‘iybat ichra qolmasam bas, keldi qo‘ldan yozaman,
Bo‘lsa gar xalqimga manzur, do‘stu yor yozgin desa.

Misralar yozgin Alisher, xar so‘zi bo‘lsin ajab,
Har quvonch, har bitta tashvish harki baytiga sabab,
Mubolag‘a qilma taʼrif, haqni aylasin talab,
Yozgin, ey Yolqin, kishida qolmasin bejo adab,
Oqini oq, yoz qarosin oshkor, yozgin desa.

Sentyabr, 2003 yil.

Sahifamda zerikib qolmang!

  • O‘lmasoy Nishonova. Meni ishqdan sovutma dunyo...

    1984-yilning 22-avgustida Farg‘ona viloyati Toshloq tumanida tavallud topgan. Tumandagi o‘rta maktabni tamomlab, Marg‘ilon Milliy Xunarmandchilik Litseyiga o‘qishga qabul qilingan. Ijod namunalari «Marg‘ilon gulshani», «Farg‘ona tomonlarda» kabi to‘plamlarga kiritilgan.

  • Abdul Boqiy

    Abdul Boqiy (Kenjaboyev Abdulboqi Urayimjon o‘g‘li) – 1978-yilning 15-aprelida Namangan viloyatining Chortoq shahrida tavallud topgan.
    Adabiy faoliyati mobaynida nafaqat anʼanaviy uslubda, balki Modern, xususan, Neo modern, Metamodern uslublarida nazm va nasrda ijod qiladi.

  • Yoqimli sheʼr

    Yoqimli sheʼr. O‘zim yozdim. O‘zimga.
    Sheʼr yo‘g‘ida bir o‘qishga yaroqli.
    Mazza qildim! Tasanno har so‘zimga!
    O‘qiyapman qayta qayta. Maroqli.

  • Hamkasbimga hazil

    (Hamkasbimga hazil)

    Ul yigitkim bir jahon, bu zamon bir donadur,
    Yo‘q demakim ko‘rkini, har sifat nishonadur.

    Bir Umar farzandi ul, kindik qoni Namangon,
    Makon bo‘ldi Andijon-kim, tahsili Farg‘onadur.

  • Yoshlarga to‘y hazili

    Fido bo‘ldi bir oshiqning hurlik oni to‘yxonada,
    Bir gul yuzli barno kutar bo‘ldi uni ostonada.

    Ahli yori o‘ynab kular oshiq ko‘nglin olmoq bo‘lib,
    Ammo oshiq ko‘ngli to‘yda emas balki durdonada.

  • Matmusaning kartasi - 2

    Kirib kelar yangi yil, hayit eshik qoqmoqda,
    Bizning dono Matmusa kassa tomon boqmoqda.

    Ishlar joyi tayindir, maoshidan ko‘ngli to‘q,
    Bor boyligi kartada, cho‘ntagida tiyin yo‘q.
    Kutib o‘tar kun sayin, ishga kelar maosh deb,
    Axir bir kun tugaydi, yotaversa karta yeb.