Donishmandlik bizga hayot so‘qmoqlarida ulug‘ saodatni hozirlab inʼom etuvchi vositadir. Abu Ali ibn Sino.

Sevgi, sendan nafratlanaman

Sevgi, sendan nafratlanaman

Sevgi.
Sendan nafratlanaman.
Sabab?!
Oddiy! Sevganim uchun!
Unutolmay, band bo‘lgan dilni
Umid qilib kutganim uchun.

Kutdim.
Yetdim.
Qildim dil izhor.
Ket demadi, aytmadi kel deb.
O‘tkinchi deb aytdiyu, ammo
Aytolmadi, bir sabab el deb.

Sevgi, - dedi, - bir o‘tkinchi his,
Suyanmoqqa bormi ehtiyoj?
Taqdir o‘yinchoqmi bizlarga?
Ishqdan boshqa bormi bir iloj?

Aytdim:
- Aybim seni suyganim,
Rashkdan kuyib kutganim, orim,
Aybmi olis ketar bahoring?
Yo kechikkan sevgi izhorim?

Nima qilay?
Ketaymi ayro?
Taqdir deymi?
Boqaymi dilga?
Toparmidim boshqa bahona,
Farq qilmasa qismat bir yilga?
 
Sevgi, qara, ikkimiz sarson,
Menda otash, unda dil iliq,
Ikkimizga ikki yo‘l hayron:
Ikki yo‘lning biri ayriliq.

Sevgi.
Sendan nafratlanaman.
Sabab?!
So‘qir ko‘zlaring uchun.
Ikki dilga sarob kelajak,
Dardli kecha, ilojsiz bugun.

4 Dekabr, 2019 yil.

Sahifamda zerikib qolmang!

  • O‘lmasoy Nishonova. Meni ishqdan sovutma dunyo...

    1984-yilning 22-avgustida Farg‘ona viloyati Toshloq tumanida tavallud topgan. Tumandagi o‘rta maktabni tamomlab, Marg‘ilon Milliy Xunarmandchilik Litseyiga o‘qishga qabul qilingan. Ijod namunalari «Marg‘ilon gulshani», «Farg‘ona tomonlarda» kabi to‘plamlarga kiritilgan.

  • Abdul Boqiy

    Abdul Boqiy (Kenjaboyev Abdulboqi Urayimjon o‘g‘li) – 1978-yilning 15-aprelida Namangan viloyatining Chortoq shahrida tavallud topgan.
    Adabiy faoliyati mobaynida nafaqat anʼanaviy uslubda, balki Modern, xususan, Neo modern, Metamodern uslublarida nazm va nasrda ijod qiladi.

  • Yoqimli sheʼr

    Yoqimli sheʼr. O‘zim yozdim. O‘zimga.
    Sheʼr yo‘g‘ida bir o‘qishga yaroqli.
    Mazza qildim! Tasanno har so‘zimga!
    O‘qiyapman qayta qayta. Maroqli.

  • Hamkasbimga hazil

    (Hamkasbimga hazil)

    Ul yigitkim bir jahon, bu zamon bir donadur,
    Yo‘q demakim ko‘rkini, har sifat nishonadur.

    Bir Umar farzandi ul, kindik qoni Namangon,
    Makon bo‘ldi Andijon-kim, tahsili Farg‘onadur.

  • Yoshlarga to‘y hazili

    Fido bo‘ldi bir oshiqning hurlik oni to‘yxonada,
    Bir gul yuzli barno kutar bo‘ldi uni ostonada.

    Ahli yori o‘ynab kular oshiq ko‘nglin olmoq bo‘lib,
    Ammo oshiq ko‘ngli to‘yda emas balki durdonada.

  • Matmusaning kartasi - 2

    Kirib kelar yangi yil, hayit eshik qoqmoqda,
    Bizning dono Matmusa kassa tomon boqmoqda.

    Ishlar joyi tayindir, maoshidan ko‘ngli to‘q,
    Bor boyligi kartada, cho‘ntagida tiyin yo‘q.
    Kutib o‘tar kun sayin, ishga kelar maosh deb,
    Axir bir kun tugaydi, yotaversa karta yeb.