Donishmandlik bizga hayot so‘qmoqlarida ulug‘ saodatni hozirlab inʼom etuvchi vositadir. Abu Ali ibn Sino.

Bilasanmi, kimni sog‘indim?

Bilasanmi, kimni sog‘indim?

Bilasanmi, kimni sog‘indim?
Sog‘inch boru, sog‘inganim yo‘q.
Orzu qildim sog‘inchni, afsus,
Men visolga topinganim yo‘q.

Alamimni jondan olaman:
“Sog‘ingansan!” deyman oshirib.
Men yig‘layman jondan yiroqda,
Jon yig‘laydi mendan yashirib.

Men ko‘nglimni ko‘yiga yurdim,
Ko‘nglim aytolmaydiki “Ko‘ndim”
Men ko‘nglimdan mehr izlayman,
Shafqat kutib yashaydi ko‘nglim.

Men o‘zimni sevsam, men o‘zim,
Mendan bahra olib yashaydi.
Men yuragim aldab yashasam,
Yurak mendan tonib yashaydi.

Axir kimdir sog‘inish kerak,
Kimdir kimni kutishga majbur.
“Sog‘indim!” deb aytmoqligim shart,
Visol kutgan boriga masrur.

Yolg‘on!
Yolg‘on!
Hammasi yolg‘on!
Bilasanmi, kimni sog‘indim?!
Kimdir emas, nimadir emas,
Men ham sog‘inishni sog‘indim.

26 aprel 2022 yil.

Sahifamda zerikib qolmang!

  • O‘lmasoy Nishonova. Meni ishqdan sovutma dunyo...

    1984-yilning 22-avgustida Farg‘ona viloyati Toshloq tumanida tavallud topgan. Tumandagi o‘rta maktabni tamomlab, Marg‘ilon Milliy Xunarmandchilik Litseyiga o‘qishga qabul qilingan. Ijod namunalari «Marg‘ilon gulshani», «Farg‘ona tomonlarda» kabi to‘plamlarga kiritilgan.

  • Abdul Boqiy

    Abdul Boqiy (Kenjaboyev Abdulboqi Urayimjon o‘g‘li) – 1978-yilning 15-aprelida Namangan viloyatining Chortoq shahrida tavallud topgan.
    Adabiy faoliyati mobaynida nafaqat anʼanaviy uslubda, balki Modern, xususan, Neo modern, Metamodern uslublarida nazm va nasrda ijod qiladi.

  • Yoqimli sheʼr

    Yoqimli sheʼr. O‘zim yozdim. O‘zimga.
    Sheʼr yo‘g‘ida bir o‘qishga yaroqli.
    Mazza qildim! Tasanno har so‘zimga!
    O‘qiyapman qayta qayta. Maroqli.

  • Hamkasbimga hazil

    (Hamkasbimga hazil)

    Ul yigitkim bir jahon, bu zamon bir donadur,
    Yo‘q demakim ko‘rkini, har sifat nishonadur.

    Bir Umar farzandi ul, kindik qoni Namangon,
    Makon bo‘ldi Andijon-kim, tahsili Farg‘onadur.

  • Yoshlarga to‘y hazili

    Fido bo‘ldi bir oshiqning hurlik oni to‘yxonada,
    Bir gul yuzli barno kutar bo‘ldi uni ostonada.

    Ahli yori o‘ynab kular oshiq ko‘nglin olmoq bo‘lib,
    Ammo oshiq ko‘ngli to‘yda emas balki durdonada.

  • Matmusaning kartasi - 2

    Kirib kelar yangi yil, hayit eshik qoqmoqda,
    Bizning dono Matmusa kassa tomon boqmoqda.

    Ishlar joyi tayindir, maoshidan ko‘ngli to‘q,
    Bor boyligi kartada, cho‘ntagida tiyin yo‘q.
    Kutib o‘tar kun sayin, ishga kelar maosh deb,
    Axir bir kun tugaydi, yotaversa karta yeb.