Donishmandlik bizga hayot so‘qmoqlarida ulug‘ saodatni hozirlab inʼom etuvchi vositadir. Abu Ali ibn Sino.

Yana bir sevgi qissasi

Yana bir sevgi qissasi

Taqdirmidi? Sevgi yuki zalvoridan,
Oyoqlarim ko‘tarolmay qayrildiku?
Visolingga to‘ymay qoldi xayollarim,
Sendan o‘zim, dil boridan ayrildiku?

Dardni yengdim, yengolmadim shubhalaring,
Seni mendan ayirdilar yo‘lga boshlab.
Kimni o‘ylab umid qilding umidsizim,
Ketding menga darddan og‘ir alam tashlab.

Chimildiqdan o‘tganingda chimildiqqa
Hayron bo‘lib to‘y ko‘rmagan qizlar qoldi.
Dilozorim, seni olib ketgan yo‘lda
Yuragimning chandig‘idek izlar qoldi.

Yor yor bo‘lib o‘tib ketding yonginamdan,
Qoldim yo‘lda ko‘zlarimdan yoshim toshib.
Dardni yengdim, yengolmadim alamlarim
Sen tomonga borolmadim qadam bosib.

Yigit boshi omon, rizqi sochilgandir,
Yarim jonim afzal yarim muhabbatdan.
Dardim bilan balki baxtim ochilgandir
Malomatsiz visol kutib qiyomatdan?!

Do‘stim O‘tkirbek uchun
Ali Al Mehr.
19 sentyabr, 2009 yil.

Sahifamda zerikib qolmang!

  • O‘lmasoy Nishonova. Meni ishqdan sovutma dunyo...

    1984-yilning 22-avgustida Farg‘ona viloyati Toshloq tumanida tavallud topgan. Tumandagi o‘rta maktabni tamomlab, Marg‘ilon Milliy Xunarmandchilik Litseyiga o‘qishga qabul qilingan. Ijod namunalari «Marg‘ilon gulshani», «Farg‘ona tomonlarda» kabi to‘plamlarga kiritilgan.

  • Abdul Boqiy

    Abdul Boqiy (Kenjaboyev Abdulboqi Urayimjon o‘g‘li) – 1978-yilning 15-aprelida Namangan viloyatining Chortoq shahrida tavallud topgan.
    Adabiy faoliyati mobaynida nafaqat anʼanaviy uslubda, balki Modern, xususan, Neo modern, Metamodern uslublarida nazm va nasrda ijod qiladi.

  • Yoqimli sheʼr

    Yoqimli sheʼr. O‘zim yozdim. O‘zimga.
    Sheʼr yo‘g‘ida bir o‘qishga yaroqli.
    Mazza qildim! Tasanno har so‘zimga!
    O‘qiyapman qayta qayta. Maroqli.

  • Hamkasbimga hazil

    (Hamkasbimga hazil)

    Ul yigitkim bir jahon, bu zamon bir donadur,
    Yo‘q demakim ko‘rkini, har sifat nishonadur.

    Bir Umar farzandi ul, kindik qoni Namangon,
    Makon bo‘ldi Andijon-kim, tahsili Farg‘onadur.

  • Yoshlarga to‘y hazili

    Fido bo‘ldi bir oshiqning hurlik oni to‘yxonada,
    Bir gul yuzli barno kutar bo‘ldi uni ostonada.

    Ahli yori o‘ynab kular oshiq ko‘nglin olmoq bo‘lib,
    Ammo oshiq ko‘ngli to‘yda emas balki durdonada.

  • Matmusaning kartasi - 2

    Kirib kelar yangi yil, hayit eshik qoqmoqda,
    Bizning dono Matmusa kassa tomon boqmoqda.

    Ishlar joyi tayindir, maoshidan ko‘ngli to‘q,
    Bor boyligi kartada, cho‘ntagida tiyin yo‘q.
    Kutib o‘tar kun sayin, ishga kelar maosh deb,
    Axir bir kun tugaydi, yotaversa karta yeb.