Donishmandlik bizga hayot so‘qmoqlarida ulug‘ saodatni hozirlab inʼom etuvchi vositadir. Abu Ali ibn Sino.

Oppoq qorga...

Oppoq qorga...

Tong sahar yoyibsan yana dasturxon.
Chimchilab uyg‘otding.
Shirin bir ozor.
Titrayman:
Bag‘ringdan qo‘ymaysan hamon.
Yorimni sog‘indim.
Yo‘l ber oppoq qor.

Yuzlarim siypalab bo‘sa olasan.
O‘t bo‘lib yonaman.
Isitma.
Behol.
Bilmayman, yana ne kuyga solasan?
Alahlab aytarman:
Kel, yonimda qol.

Ko‘nglimni sezasan.
Rashkdan yonasan.
Qahraton qahringdan tig‘lar yo‘limda.
Ayt sehrim, mehrimga qachon qonasan?
Asli sen bevafo, ko‘z yosh qo‘limda.

Hijrondan yonaman.
Izlayman visol.
Umidim, oppoq qor, so‘ndirolmaysan.
Men kaftim bosaman oppoq ko‘ksingga,
Va yayov ketaman.
Ko‘ndirolmaysan.

Mayliga, muzlatgin yuragim, borim,
Oppoq qor,
Ishqingda men ham kuyaman.
Sen meni suygandek men ham o‘z yorim
Zarrangdan ming karra ko‘proq suyaman.

Yorimni sog‘indim.
Yo‘l ber oppoq qor.

11 Fevral, 2017 yil.

Sahifamda zerikib qolmang!

  • O‘lmasoy Nishonova. Meni ishqdan sovutma dunyo...

    1984-yilning 22-avgustida Farg‘ona viloyati Toshloq tumanida tavallud topgan. Tumandagi o‘rta maktabni tamomlab, Marg‘ilon Milliy Xunarmandchilik Litseyiga o‘qishga qabul qilingan. Ijod namunalari «Marg‘ilon gulshani», «Farg‘ona tomonlarda» kabi to‘plamlarga kiritilgan.

  • Abdul Boqiy

    Abdul Boqiy (Kenjaboyev Abdulboqi Urayimjon o‘g‘li) – 1978-yilning 15-aprelida Namangan viloyatining Chortoq shahrida tavallud topgan.
    Adabiy faoliyati mobaynida nafaqat anʼanaviy uslubda, balki Modern, xususan, Neo modern, Metamodern uslublarida nazm va nasrda ijod qiladi.

  • Yoqimli sheʼr

    Yoqimli sheʼr. O‘zim yozdim. O‘zimga.
    Sheʼr yo‘g‘ida bir o‘qishga yaroqli.
    Mazza qildim! Tasanno har so‘zimga!
    O‘qiyapman qayta qayta. Maroqli.

  • Hamkasbimga hazil

    (Hamkasbimga hazil)

    Ul yigitkim bir jahon, bu zamon bir donadur,
    Yo‘q demakim ko‘rkini, har sifat nishonadur.

    Bir Umar farzandi ul, kindik qoni Namangon,
    Makon bo‘ldi Andijon-kim, tahsili Farg‘onadur.

  • Yoshlarga to‘y hazili

    Fido bo‘ldi bir oshiqning hurlik oni to‘yxonada,
    Bir gul yuzli barno kutar bo‘ldi uni ostonada.

    Ahli yori o‘ynab kular oshiq ko‘nglin olmoq bo‘lib,
    Ammo oshiq ko‘ngli to‘yda emas balki durdonada.

  • Matmusaning kartasi - 2

    Kirib kelar yangi yil, hayit eshik qoqmoqda,
    Bizning dono Matmusa kassa tomon boqmoqda.

    Ishlar joyi tayindir, maoshidan ko‘ngli to‘q,
    Bor boyligi kartada, cho‘ntagida tiyin yo‘q.
    Kutib o‘tar kun sayin, ishga kelar maosh deb,
    Axir bir kun tugaydi, yotaversa karta yeb.