Бойликни топишибди-ю ақл-идрокни йўқотишибди. Ажабо, топган нарсалари билан йўқотган нарсаларининг баҳоси бир хилмиди? Абу Али ибн Сино.

Сукунат

Сукунат

Оҳиста қадамлар... 
Унсиз сукунат...
Гўёки дунёда қолмаган ҳеч ким...
Бир нафас дунёни тўнтарар тўфон.
Хўрсиниш... 
Сўнг яна бу дунё жим... 
Жим...

Бас қилинг... 
Ёлворай... 
Дод солинг майли.
Сукунат дарддан кўп қийнар беомон.
Чидайман дунёнинг чинқириғига,
Фақат сиз жим турманг... 
Унсизлик ёмон...

Оғир дард. Биларман. 
Билмассиз балки. 
Дард билан дардлашманг. 
Келганда "Салом", 
"Хайр" денг кетарда. 
У ҳам дардку бир?
Жим турманг. 
Сабрдан чиқсин бир калом.

Кўнглингиз сабрга мойил.
Шукрлар.
Наҳотки сабо ҳам қатлга маҳкум?
Нима айб қилганди бешикка қўнган
Базабон капалак... 
Ёзилган ҳукм...

Жимжитлик...
Унимиз чиқмас оғриқдан.
Қийин бор, қистов бор, алмисоқ пайдо.
Эй кўнгил, бир ҳайқир, 
Гўё бир ҳакам,
Ўртада аросат: сабр ва савдо.

Бас қилинг!
Сукунат сабрдан кучли.
Кўз ёш ҳам чиқарда берган акс садо.
Сен айтгин кўксимда жим турган юрак:
Биргина каломга бу жоним фидо!

Ҳайқириқ!
Гўёки дард ҳам ариди.
Кўнглим бир юмшади.
Чиқдим хумордан.
Сукунат қўлига тутқаздим шеърим:
Жим турма. 
Жим турма, бекор бекордан.

19-Январь, 2017 йил.
Тошкент.

Саҳифамда зерикиб қолманг!

  • Ўлмасой Нишонова. Мени ишқдан совутма дунё...

    1984-йилнинг 22-августида Фарғона вилояти Тошлоқ туманида таваллуд топган. Тумандаги ўрта мактабни тамомлаб, Марғилон Миллий Хунармандчилик Лицейига ўқишга қабул қилинган. Ижод намуналари «Марғилон гулшани», «Фарғона томонларда» каби тўпламларга киритилган.

  • Абдул Боқий

    Абдул Боқий (Кенжабоев Абдулбоқи Урайимжон ўғли) – 1978-йилнинг 15-апрелида Наманган вилоятининг Чортоқ шаҳрида таваллуд топган. 
    Адабий фаолияти мобайнида нафақат анъанавий услубда, балки Модерн, хусусан, Нео модерн, Метамодерн услубларида назм ва насрда ижод қилади.

  • Матмусанинг картаси - 2

    Кириб келар янги йил, ҳайит эшик қоқмоқда,
    Бизнинг доно Матмуса касса томон боқмоқда.

    Ишлар жойи тайиндир, маошидан кўнгли тўқ,
    Бор бойлиги картада, чўнтагида тийин йўқ.
    Кутиб ўтар кун сайин, ишга келар маош деб,
    Ахир бир кун тугайди, ётаверса карта еб.

  • Ҳамкасбимга ҳазил

    (Ҳамкасбимга ҳазил)

    Ул йигитким бир жаҳон, бу замон бир донадур,
    Йўқ демаким кўркини, ҳар сифат нишонадур.

    Бир Умар фарзанди ул, киндик қони Намангон,
    Макон бўлди Андижон-ким, таҳсили Фарғонадур.

  • Ёшларга тўй ҳазили

    Фидо бўлди бир ошиқнинг ҳурлик они тўйхонада,
    Бир гул юзли барно кутар бўлди уни остонада.

    Аҳли ёри ўйнаб кулар ошиқ кўнглин олмоқ бўлиб,
    Аммо ошиқ кўнгли тўйда эмас балки дурдонада.

  • Матмусанинг картаси

    Бир кун дўстим Матмуса чуқур ўйга толибди,
    Барча доно фикрини бир мезонга солибди.

    - Ҳозир мен ҳам бизнесмен, омад қувган боламан.
    Иш жойимда маошни жуда катта оламан.
    Яна бунинг устига ойлик ошган ўтган ой,
    Хаммасини бир олсам, қай чўнтакка соламан?