Бойликни топишибди-ю ақл-идрокни йўқотишибди. Ажабо, топган нарсалари билан йўқотган нарсаларининг баҳоси бир хилмиди? Абу Али ибн Сино.

Аёлларга 8 март табриги. (Ҳазил шеър)

Аёлларга 8 март табриги. (Ҳазил шеър)

Бугун байрам. Аёлларнинг чеҳрасида табассум,
Бири танноз, бири шодон, бири ҳуш, бири маъсум,
Лов-лов ёниб турганига келди менинг ҳавасим,
Эй гўзаллар, азиз қизлар, сизга байрам муборак!

Қаро қошни қалдирғочнинг қанотидан олганми?
Узун сочин эр бошига сиртмоқ қилиб солганми?
Ёки сочин сотиб пулга калта кўйлак олганми?
Калта атлас кўйлак кийган қизлар байрам муборак!

Тилларининг шакари бор, тотмоқ осон эмасдир,
Аёл чаққан эркаклар қайтиб асал емасдир,
Ширин нозла қарашига ёнларидан келмасдир,
Тили ширин, сўзи асал қизлар байрам муборак!

Ноз қилсалар ярашадур, кўнгил осмон бўлади,
Араз қилса юрак қасри вайрон-вайрон бўлади,
Севмаганни севдиради, севган сарсон бўлади,
Муҳаббатли фариштамсиз, қизлар байрам муборак!

Сизга бўлсин ҳуш тилаклар, ҳарки омад сизгадир,
Сизга бўлсин зебу-зийнат, сарви қомат сизгадир,
Сизга бўлсин ҳаё-ибо, қадру-қиммат сизгадир,
Сизда қолсин битта меҳрим, қизлар байрам муборак!

5 март, 2005 йил.

Саҳифамда зерикиб қолманг!

  • Ўлмасой Нишонова. Мени ишқдан совутма дунё...

    1984-йилнинг 22-августида Фарғона вилояти Тошлоқ туманида таваллуд топган. Тумандаги ўрта мактабни тамомлаб, Марғилон Миллий Хунармандчилик Лицейига ўқишга қабул қилинган. Ижод намуналари «Марғилон гулшани», «Фарғона томонларда» каби тўпламларга киритилган.

  • Абдул Боқий

    Абдул Боқий (Кенжабоев Абдулбоқи Урайимжон ўғли) – 1978-йилнинг 15-апрелида Наманган вилоятининг Чортоқ шаҳрида таваллуд топган. 
    Адабий фаолияти мобайнида нафақат анъанавий услубда, балки Модерн, хусусан, Нео модерн, Метамодерн услубларида назм ва насрда ижод қилади.

  • Матмусанинг картаси - 2

    Кириб келар янги йил, ҳайит эшик қоқмоқда,
    Бизнинг доно Матмуса касса томон боқмоқда.

    Ишлар жойи тайиндир, маошидан кўнгли тўқ,
    Бор бойлиги картада, чўнтагида тийин йўқ.
    Кутиб ўтар кун сайин, ишга келар маош деб,
    Ахир бир кун тугайди, ётаверса карта еб.

  • Ҳамкасбимга ҳазил

    (Ҳамкасбимга ҳазил)

    Ул йигитким бир жаҳон, бу замон бир донадур,
    Йўқ демаким кўркини, ҳар сифат нишонадур.

    Бир Умар фарзанди ул, киндик қони Намангон,
    Макон бўлди Андижон-ким, таҳсили Фарғонадур.

  • Ёшларга тўй ҳазили

    Фидо бўлди бир ошиқнинг ҳурлик они тўйхонада,
    Бир гул юзли барно кутар бўлди уни остонада.

    Аҳли ёри ўйнаб кулар ошиқ кўнглин олмоқ бўлиб,
    Аммо ошиқ кўнгли тўйда эмас балки дурдонада.

  • Матмусанинг картаси

    Бир кун дўстим Матмуса чуқур ўйга толибди,
    Барча доно фикрини бир мезонга солибди.

    - Ҳозир мен ҳам бизнесмен, омад қувган боламан.
    Иш жойимда маошни жуда катта оламан.
    Яна бунинг устига ойлик ошган ўтган ой,
    Хаммасини бир олсам, қай чўнтакка соламан?