Бойликни топишибди-ю ақл-идрокни йўқотишибди. Ажабо, топган нарсалари билан йўқотган нарсаларининг баҳоси бир хилмиди? Абу Али ибн Сино.

Мен сизни бир бора кўришим керак

Мен сизни бир бора кўришим керак

Мен сизни бир бора кўришим керак.
Ўйламанг, жон эмас, ўтинар нигоҳ.
Роз беринг, нигоҳлар учрашсин илк бор,
Ва улар қалбларни этсинлар огоҳ.

Мен сизни бир бора кўришим керак.
Англамади қулоқ, айтолмади тил,
На мазмун, моҳият қолди сўзларда,
Ишончсиз ишончдан очилмади дил.

Мен сизни бир бора кўришим керак.
Ўйламанг, бу шарпа неларни хоҳлар.
Биз бирга яшадик, ўлдик, тирилдик,
Фақат учрашмаган қолди нигоҳлар. 

Мен сизни бир бора кўришим керак.
Ўйламанг, жон ширин ва осмон узоқ.
Ягона имконим қолди нигоҳдан,
Дил очиб сўз айтмоқ беҳуда тузоқ.

Мен сизни бир бора кўришим керак.
Ўйламанг,.нигоҳлар йўлдан уради.
Бир имкон, нигоҳлар англар бир бирин,
Кўзларда дил акси ошкор туради.

Мен сизни бир бора кўришим керак.
Ўйламанг, беҳуда, йўқ деманг фақат,
Фақат кўзларимда қолди сўнгги сўз,
Мен сизга айтмоқчи бўлган ҳақиқат.

25-декабрь, 2019 йил.

Саҳифамда зерикиб қолманг!

  • Ўлмасой Нишонова. Мени ишқдан совутма дунё...

    1984-йилнинг 22-августида Фарғона вилояти Тошлоқ туманида таваллуд топган. Тумандаги ўрта мактабни тамомлаб, Марғилон Миллий Хунармандчилик Лицейига ўқишга қабул қилинган. Ижод намуналари «Марғилон гулшани», «Фарғона томонларда» каби тўпламларга киритилган.

  • Абдул Боқий

    Абдул Боқий (Кенжабоев Абдулбоқи Урайимжон ўғли) – 1978-йилнинг 15-апрелида Наманган вилоятининг Чортоқ шаҳрида таваллуд топган. 
    Адабий фаолияти мобайнида нафақат анъанавий услубда, балки Модерн, хусусан, Нео модерн, Метамодерн услубларида назм ва насрда ижод қилади.

  • Матмусанинг картаси - 2

    Кириб келар янги йил, ҳайит эшик қоқмоқда,
    Бизнинг доно Матмуса касса томон боқмоқда.

    Ишлар жойи тайиндир, маошидан кўнгли тўқ,
    Бор бойлиги картада, чўнтагида тийин йўқ.
    Кутиб ўтар кун сайин, ишга келар маош деб,
    Ахир бир кун тугайди, ётаверса карта еб.

  • Ҳамкасбимга ҳазил

    (Ҳамкасбимга ҳазил)

    Ул йигитким бир жаҳон, бу замон бир донадур,
    Йўқ демаким кўркини, ҳар сифат нишонадур.

    Бир Умар фарзанди ул, киндик қони Намангон,
    Макон бўлди Андижон-ким, таҳсили Фарғонадур.

  • Ёшларга тўй ҳазили

    Фидо бўлди бир ошиқнинг ҳурлик они тўйхонада,
    Бир гул юзли барно кутар бўлди уни остонада.

    Аҳли ёри ўйнаб кулар ошиқ кўнглин олмоқ бўлиб,
    Аммо ошиқ кўнгли тўйда эмас балки дурдонада.

  • Матмусанинг картаси

    Бир кун дўстим Матмуса чуқур ўйга толибди,
    Барча доно фикрини бир мезонга солибди.

    - Ҳозир мен ҳам бизнесмен, омад қувган боламан.
    Иш жойимда маошни жуда катта оламан.
    Яна бунинг устига ойлик ошган ўтган ой,
    Хаммасини бир олсам, қай чўнтакка соламан?