Бойликни топишибди-ю ақл-идрокни йўқотишибди. Ажабо, топган нарсалари билан йўқотган нарсаларининг баҳоси бир хилмиди? Абу Али ибн Сино.

Муҳаббатнома

Муҳаббатнома

Муҳаббат ишқида ким бўлса шоир
Шум тақдир уларни ҳар куйга солар.
Тўқилмай қолган бу шеърлари майли,
Дафтарда якунсиз сатрлар қолар...

2003 йил.

 

Муҳаббат боғига ташлаб бир нигоҳ
Хаёлим йўқотдим, ақлим паришон.
Севмаган қалбларни этайин огоҳ,
Занжирбанд қул каби юрибман ҳамон...

17 декабрь, 2000 йил.

 

Мен унга севаман деб айтсам,
Деди у: «-Сен учун эмасман»,
Ўзгага мосдир у, мен эса
Билмайман, кимга ҳам керакман?!

 

Ишқ ўтида икки юрак бўлди хароб,
Бирига зах, бирига дўст бўлди шароб.
Эй Алишер, бу дунёда ишқида ким
Обрў топса ҳамки баъзан бўлди сароб.

Май, 2000 йил.

 

Севгимни йуқотсам ўламан дерлар.
Лек чиндан айтади бу гапларни тил
Бирини йўқотмай туриб бошқасин
Севганча ошиқлар яшарлар юз йил…

2003 йил.

Саҳифамда зерикиб қолманг!

  • Ўлмасой Нишонова. Мени ишқдан совутма дунё...

    1984-йилнинг 22-августида Фарғона вилояти Тошлоқ туманида таваллуд топган. Тумандаги ўрта мактабни тамомлаб, Марғилон Миллий Хунармандчилик Лицейига ўқишга қабул қилинган. Ижод намуналари «Марғилон гулшани», «Фарғона томонларда» каби тўпламларга киритилган.

  • Абдул Боқий

    Абдул Боқий (Кенжабоев Абдулбоқи Урайимжон ўғли) – 1978-йилнинг 15-апрелида Наманган вилоятининг Чортоқ шаҳрида таваллуд топган. 
    Адабий фаолияти мобайнида нафақат анъанавий услубда, балки Модерн, хусусан, Нео модерн, Метамодерн услубларида назм ва насрда ижод қилади.

  • Матмусанинг картаси - 2

    Кириб келар янги йил, ҳайит эшик қоқмоқда,
    Бизнинг доно Матмуса касса томон боқмоқда.

    Ишлар жойи тайиндир, маошидан кўнгли тўқ,
    Бор бойлиги картада, чўнтагида тийин йўқ.
    Кутиб ўтар кун сайин, ишга келар маош деб,
    Ахир бир кун тугайди, ётаверса карта еб.

  • Ҳамкасбимга ҳазил

    (Ҳамкасбимга ҳазил)

    Ул йигитким бир жаҳон, бу замон бир донадур,
    Йўқ демаким кўркини, ҳар сифат нишонадур.

    Бир Умар фарзанди ул, киндик қони Намангон,
    Макон бўлди Андижон-ким, таҳсили Фарғонадур.

  • Ёшларга тўй ҳазили

    Фидо бўлди бир ошиқнинг ҳурлик они тўйхонада,
    Бир гул юзли барно кутар бўлди уни остонада.

    Аҳли ёри ўйнаб кулар ошиқ кўнглин олмоқ бўлиб,
    Аммо ошиқ кўнгли тўйда эмас балки дурдонада.

  • Матмусанинг картаси

    Бир кун дўстим Матмуса чуқур ўйга толибди,
    Барча доно фикрини бир мезонга солибди.

    - Ҳозир мен ҳам бизнесмен, омад қувган боламан.
    Иш жойимда маошни жуда катта оламан.
    Яна бунинг устига ойлик ошган ўтган ой,
    Хаммасини бир олсам, қай чўнтакка соламан?